സെപ്റ്റംബര്‍ 1 മുതല്‍ ആദ്യവാരം ബാങ്കുകള്‍ അടഞ്ഞു കിടക്കുമെന്ന വാര്‍ത്ത തെറ്റാണെന്നും,സാമൂഹ്യ മാധ്യമങ്ങളിലൂടെ ഉള്‍പ്പെടെയുള്ള വാര്‍ത്തകള്‍ പൊതുജനകളെ പരിഭ്രമിക്കുന്നുവെന്നും കേന്ദ്ര ധനകാര്യ മന്ത്രാലയം. സ്‌പെ്റ്റംബര്‍ 2 ഞായറാഴ്ചയും, സെപ്റ്റംബര്‍ 8 രണ്ടാം ശനിയാഴ്ചയും ഒഴികെയുള്ള എല്ലാ ദിവസങ്ങളിലും ബാങ്കുകളും, എടിഎം കൗണ്ടറുകളും സാധാരണ പ്രവൃത്തിദിവസങ്ങളെന്ന പോലെ പ്രവൃത്തിക്കും. 
സ്‌പെ്റ്റംബര്‍ 3 , തിങ്കളാഴ്ച ഇന്ത്യ മുഴുവന്‍ അവധിയുണ്ടായിരിക്കില്ല. നെഗോഷ്യബിള്‍ ഇന്‍സ്ട്രമെന്റ് ആക്റ്റ് പ്രകാരം ചില സംസ്ഥാനങ്ങ ളില്‍ മാത്രമായിരിക്കും അവധി. മറ്റെല്ലാ ദിവസങ്ങളിലും ബാങ്ക് പ്രവൃത്തിക്കും.
ഈ മാസം 3, 4, 5, 6, 7 തീയതികളില്‍ കേരളത്തില്‍ എല്ലാ ബാങ്കുകളും പ്രവര്‍ത്തിക്കും. ഒരാഴ്ച ബാങ്കിന്റെ പ്രവര്‍ത്തനം തടസ്സപ്പെടില്ലെന്ന് ബാങ്ക് ജീവനക്കാരുടെ ദേശീയ സംഘടന വൈസ് പ്രസിഡന്റ് അശ്വനി റാണ പറഞ്ഞു. റിസര്‍വ് ബാങ്ക് ഉദ്യോഗസ്ഥര്‍ മാത്രമാണ് സെപ്റ്റംബര്‍ നാല്, അഞ്ച് തീയതികളില്‍ കൂട്ട അവധി എടുക്കുന്നത്. എന്നാല്‍ ഇവ പൊതുമേഖല, സ്വകാര്യ ബാങ്കുകളുടെ പ്രവര്‍ത്തനത്തെ ബാധിക്കില്ലെന്നും അദ്ദേഹം പറയുന്നു. ഈ ദിവസങ്ങളില്‍ എടിഎമ്മുകളില്‍ പണം ഉണ്ടാകില്ലെന്നും ബാങ്കുകള്‍ പ്രവര്‍ത്തിക്കില്ലെന്നും ആവശ്യമായ പണം കയ്യില്‍ കരുതണമെന്നുമായിരുന്നു വ്യാപകമായി പ്രചരിച്ച സന്ദേശം.