ജമ്മു കാശ്മീരിലെ ഷോപിയാനില് നിന്നും നാല് പോലീസുകാരെ ഭീകരര് തട്ടിക്കൊണ്ടുപോയി
ജമ്മു കാശ്മീരിലെ ഷോപിയാനില്നിന്നും നാല് പോലീസുകാരെ ഭീകരര് തട്ടിക്കൊണ്ടുപോയി. വെള്ളിയാഴ്ച പുലര്ച്ചെയാണ് ഭീകരര് മൂന്ന് സ്പെഷല് പോലീസ് ഉദ്യോഗസ്ഥരെയും ഒരു കോണ്സ്റ്റബിളിനെയും തട്ടിക്കൊണ്ടു പോയത്. ഷോപിയാനിലെ കപ്റാനില്നിന്നുമാണ് പോലീസുകാരെ തട്ടിക്കൊണ്ടുപോയത്. ഫിര്ദസ് അഹമ്മദ് കുച്ചേ, കുല്ദീപ് സിംഗ്, നിസാര് അഹമ്മദ് ധോബി, ഫയാസ് അഹമ്മദ് ഭാട്ട് എന്നിവരെയാണ് പിടിച്ചുകൊണ്ടുപോയത്.
മൂന്ന് ആഴ്ച മുന്പ് കാഷ്മീരില്നിന്നും മൂന്ന് പോലീസുകാരെയും അവരുടെ എട്ടു കുടംബാംഗങ്ങളെയും ഭീകരര് തട്ടിക്കൊണ്ടുപോയിരുന്നു. ഇവരെ മോചിപ്പിക്കുന്നതിനായി ഹിസ്ബുള് മുജാഹിദിന് ഭീകരന് റിയാസ് നയികോയുടെ പിതാവ് ഉള്പ്പെടെ 12 ഭീകരരുടെ കുടുംബാംഗങ്ങളെയാണ് വിട്ടയച്ചത്.
ചൊവ്വാഴ്ച ഹിസ്ബുല് മുജാഹിദിന് പ്രവര്ത്തകര് പോലീസുകാരെ ഭീഷണിപ്പെടുത്തിയിരുന്നു. ഒന്നുകില് രാജിവയ്ക്കുക അല്ലെങ്കില് മരിക്കാന് തയാറാകുക എന്നതായിരുന്നു ഭീഷണി. ഇതിനുപിന്നാലെയാണ് പോലീസുകാരെ തട്ടിക്കൊണ്ടുപോയത്.
https://www.facebook.com/Malayalivartha