സംസ്ഥാനങ്ങളെ ഭിന്നിപ്പിച്ച് അധികാരം സ്ഥാപിക്കാനുള്ള ശ്രമങ്ങളാണ് ബിജെപി നടത്തുന്നത് ; മോദി കബളിപ്പിക്കുകയായിരുന്നുവെന്ന് ചന്ദ്രബാബു നായിഡു
സംസ്ഥാനങ്ങളെ ഭിന്നിപ്പിച്ച് അധികാരം സ്ഥാപിക്കാനുള്ള ശ്രമങ്ങളാണ് ബിജെപി നടത്തുന്നതെന്ന് ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡു. തെലങ്കാനയെയും ആന്ധ്രപ്രദേശിനെയും വേര്തിരിച്ച് ഭരിക്കാനുള്ള തന്ത്രങ്ങളാണ് പാര്ട്ടി പയറ്റുന്നതെന്ന് ചന്ദ്രബാബു നായിഡു പറഞ്ഞു. വിജയവാഡയില് ജ്ഞാന ഭേരി എന്ന പേരില് സംഘടിപ്പിച്ച നോജള് സമ്മിറ്റില് സംസാരിക്കുമ്പോഴായിരുന്നു പ്രതികരണം.
ആന്ധ്രപ്രദേശ് വിഭജനത്തിന് ശേഷം നിരവധി പ്രശ്നങ്ങള് നേരിടുന്നുണ്ട്. ആന്ധ്രാപ്രദേശിന്റെ വികസനത്തിന് വേണ്ടിയാണ് തെലുങ്കുദേശം പാര്ട്ടി എന്ഡിഎയ്ക്കൊപ്പം ചേര്ന്നത്. എന്നാല് ഒന്നും തന്നെ ലഭിച്ചില്ലെന്നും മോദിയെ പിന്തുണച്ച താന് സംസ്ഥാനത്തിന്റെ വികസനത്തെക്കുറിച്ച് നിരന്തരം ഓര്മിപ്പിച്ചിരുന്നു. ബിജെപി നയിക്കുന്ന എന്ഡിഎ സര്ക്കാര് ഒന്നും തന്നെ നല്കിയില്ലെന്നും മോദി കബളിപ്പിക്കുകയായിരുന്നുവെന്നും നായിഡു പറഞ്ഞു.
സഹോദരങ്ങളെപ്പോലെയുള്ള തെലങ്കാന ആന്ധ്രാപ്രദേശ് സംസ്ഥാനങ്ങള്ക്കിടയില് കേന്ദ്രം വേര്തിരിവുകള് ഉണ്ടാക്കാന് ശ്രമിക്കുന്നു. ഭിന്നിപ്പിച്ച് ഭരിക്കുക എന്ന തന്ത്രമാണ് പ്രയോഗിക്കുന്നത്. 15മത് ധനകാര്യ കമ്മീഷന് വഴി കേന്ദ്രം ഈ സംസ്ഥാനങ്ങളെ ശിക്ഷിക്കുകയാണ്. ജനസംഖ്യ കുറഞ്ഞ സംസ്ഥാനങ്ങള്ക്ക് കുറഞ്ഞ അധികാര കൈമാറ്റമാണ് ഉണ്ടാകേണ്ടതെന്നും അദ്ദേഹം ചൂണ്ടിക്കാണിക്കുന്നു. ഇത് ദക്ഷിണേന്ത്യന് സംസ്ഥാനങ്ങളെ നശിപ്പിക്കുമെന്നും ഈ നീക്കങ്ങളെ എതിര്ക്കുമെന്നും ചന്ദ്രബാബു നായിഡു ചൂണ്ടിക്കാണിക്കുന്നു. എന്നാല് ദക്ഷിണേന്ത്യന് സംസ്ഥാനങ്ങളെ കേന്ദ്രം സഹായിക്കുന്നില്ലെന്നും ഉയര്ന്ന നികുതി നല്കുന്ന ഈ സംസ്ഥാനങ്ങള് വികസിത സംസ്ഥാനങ്ങളാണെന്നും അദ്ദേഹം കൂട്ടിച്ചേര്ക്കുന്നു.
https://www.facebook.com/Malayalivartha