ഒഡീഷ തീരത്ത് വീശിയടിച്ച 'ദയെ' ചുഴലിക്കാറ്റിലും കനത്തമഴയിലും വന്‍ നാശനഷ്ടമുണ്ടായതായി റിപ്പോര്‍ട്ട്. മല്‍ഖന്‍ഗിരി ജില്ലയിലാണ് ഏറ്റവും കൂടുതല്‍ നാശമുണ്ടായിരിക്കുന്നത്. വെള്ളപ്പൊക്കത്തെ തുടര്‍ന്ന് കുടുങ്ങിയ 150 ഓളം പേരെ രക്ഷപ്പെടുത്തുകയും ചെയ്തു. പലസ്ഥലങ്ങളിലും റോഡുകളും താഴ്ന്ന പ്രദേശങ്ങളും വെള്ളത്തിനടിയിലായി.

വൈദ്യുതിബന്ധവും തകരാറിലായിരിക്കുകയാണ്. ദുരന്തനിവാരണസേനയെ വിവിധ ജില്ലകളിലായി വിന്യസിച്ചാണ് രക്ഷാപ്രവര്‍ത്തനം പുരോഗമിക്കുന്നത്.