ഇന്ത്യക്കുവേണ്ടി നിര്മിച്ച റഫാല് യുദ്ധവിമാനം ആദ്യം പറത്തി മലയാളി അഭിമാനനേട്ടത്തിന് അര്ഹനായി
ഇന്ത്യക്കുവേണ്ടി ഫ്രഞ്ച് കമ്പനിയായ ദസോള്ട്ട് ഏവിയേഷന് നിര്മിച്ച റഫാല് യുദ്ധവിമാനം ആദ്യം പറത്തിയത് മലയാളി. കണ്ണൂര് സ്വദേശിയായ ഡെപ്യൂട്ടി ചീഫ് ഓഫ് എയര് സ്റ്റാഫ് എയര് മാര്ഷല് രഘുനാഥ് നമ്പ്യാരാണ് വ്യാഴാഴ്ച ഫ്രാന്സില് റഫാല് വിമാനത്തില് പരീക്ഷണപ്പറക്കല് നടത്തിയത്. വിമാനത്തിന്റെ കാര്യക്ഷമത വിലയിരുത്തുന്നതിനുവേണ്ടിയായിരുന്നു പറക്കല്. റഫാല് വിമാനങ്ങളുടെ നിര്മാണപുരോഗതികൂടി വിലയിരുത്തുന്നതിനാണ് നാലുദിവസം മുമ്പ് അദ്ദേഹം ഫ്രാന്സിലെത്തിയത്. 36 റഫാല് വിമാനങ്ങളാണ് ദസോള്ട്ടില്നിന്ന് ഇന്ത്യ വാങ്ങുന്നത്. എടക്കാട് സ്വദേശിയായ നമ്പ്യാര് ഷില്ലോങ്ങില് കിഴക്കന് വ്യോമ കമാന്ഡിന്റെ ചുമതലയുള്ള സീനിയര് സ്റ്റാഫ് ഓഫീസര് ആയിരിക്കെയാണ് ഡെപ്യൂട്ടി ചീഫ് ഓഫ് എയര് സ്റ്റാഫായി നിയമിതനാകുന്നത്.
ബെംഗളൂരുവില് സീനിയര് എയര് സ്റ്റാഫ് ഓഫീസറായും സേവനമനുഷ്ഠിച്ചിട്ടുണ്ട്. മികവു തെളിയിച്ച ടെസ്റ്റ് പൈലറ്റ് ആയിട്ടാണ് നമ്പ്യാര് അറിയപ്പെടുന്നത്. ഏറ്റവും കൂടുതല് മണിക്കൂറുകള് 'മിറാഷ് 2000' വിമാനം പറത്തിയതിന്റെ റെക്കോഡ് അദ്ദേഹത്തിന്റെ പേരിലാണ്. 1999ലെ കാര്ഗില് യുദ്ധത്തില് ടൈഗര് ഹില്ലിലെ വ്യോമാക്രമണത്തിന് നേതൃത്വം നല്കി.
കഴിഞ്ഞകൊല്ലം കണ്ണൂര് വിമാനത്താവളത്തില് പരീക്ഷണാടിസ്ഥാനത്തില് ഇറക്കിയ വിമാനത്തിന്റെ പൈലറ്റ് ഇദ്ദേഹമായിരുന്നു. കാടാച്ചിറയിലെ സ്ക്വാഡ്രന് ലീഡര് പദ്മനാഭന് നമ്പ്യാരുടെയും രാധാ നന്പ്യാരുടെയും മകനാണ്. ഖഡക്വാസ്ല നാഷണല് ഡിഫന്സ് അക്കാദമിയില്നിന്ന് പരിശീലനം പൂര്ത്തിയാക്കി 1980ലാണ് വ്യോമസേനയിലെത്തിയത്. അതിവിശിഷ്ട സേവാമെഡല്, വായുസേനാ മെഡല്, കാര്ഗില് യുദ്ധത്തിലെ ധീരതയ്ക്കു പ്രത്യേക മെഡല്, ബാര് ടു ദി വായുസേനാ മെഡല് എന്നിവ ലഭിച്ചിട്ടുണ്ട്.
കോഴിക്കോട് ബേപ്പൂര് സ്വദേശി ലക്ഷ്മി നന്പ്യാരാണ് ഭാര്യ. ഏകമകന് അശ്വിന് നമ്പ്യാര് കൊമേഴ്സ്യല് പൈലറ്റാണ്.
https://www.facebook.com/Malayalivartha
