തമിഴ്‌നാട്ടില്‍ തക്കാളിയുടെ വില കുത്തനെ കുറഞ്ഞു. കിലോയ്ക്ക് 7 രൂപയാണ് വില. അതേസമയം കേരളത്തിലാകട്ടെ 40 രൂപയും. ഇതിലൂടെ ഇടനിലക്കാര്‍ കൊള്ളലാഭമാണ് നേടുന്നത്.
തമിഴ്‌നാട്ടില്‍ കമ്പത്തെ കൃഷിക്കാരുടെ ചന്തയില്‍(ഉഴവര്‍ മാര്‍ക്കറ്റ്) ഒരുകിലോ തക്കാളിക്ക് ഏഴു രൂപയാണ്. തേനി ജില്ലയില്‍ തക്കാളി ഉല്‍പാദനം കുത്തനെ വര്‍ധിച്ചതോടെയാണ് 20 രൂപയില്‍നിന്ന് ഏഴു രൂപയായി കുറഞ്ഞത്. തക്കാളിക്കു പുറമേ മറ്റു പച്ചക്കറികള്‍ക്കും വില കുറഞ്ഞിട്ടുണ്ട്. പച്ചമുളക്, കിഴങ്ങ്, സവോള, ഉള്ളി എന്നിവയ്ക്ക് 20 രൂപയും വെണ്ടയ്ക്ക 10 രൂപയും ബീന്‍സ്35 രൂപയുമാണ്.

തമിഴ്‌നാട്ടിലെ ഗുഡല്ലൂരില്‍ ഞായറാഴ്ചകളില്‍ പുതുതായി പച്ചക്കറി ചന്ത ആരംഭിച്ചതും വില കുറയാന്‍ കാരണമായി. കമ്പത്തെ ചന്ത ചൊവ്വാഴ്ചയാണുള്ളത്. കമ്പത്ത് ഉഴവര്‍ മാര്‍ക്കറ്റ് എല്ലാദിവസവുമുണ്ട്.