സർവകലാശാലകളെ കാവി അണിയിക്കുന്നു ; രാജ്യത്തെ ഉന്നത വിദ്യാഭ്യാസ-ഗവേഷണ -സാംസ്കാരിക സ്ഥാപനങ്ങളുടെ തലപ്പത്ത് സംഘ്പരിവാറിന്റെ ആജ്ഞാനുവര്‍ത്തികളും സ്വയംസേവകരും അധികാരം കയ്യേറുന്നു
നരേന്ദ്ര മോദിയുടെ നേതൃത്വത്തിലുള്ള ബി.ജെ.പി സര്‍ക്കാര്‍ അധികാരത്തിൽ വന്നതിന് ശേഷം ഇന്ത്യയിലെ ഉന്നത വിദ്യാഭ്യാസ, സാംസ്കാരിക സ്ഥാപനങ്ങളില്‍ തങ്ങളുടെ പിടിമുറുക്കുക എന്നതാണ് സംഘ്പരിവാറിന്റെയും കേന്ദ്രസര്‍ക്കാറിന്റെയും ലക്ഷ്യം. രാജ്യത്തെ ഉന്നത വിദ്യാഭ്യാസമേഖലയെ തങ്ങളുടെ അജണ്ടകള്‍ക്ക് അനുസരിച്ച് പൊളിച്ചെഴുതാനുള്ള ആസൂത്രിതനീക്കമാണ് കേന്ദ്രസര്‍ക്കാര്‍ നടത്തിക്കൊണ്ടിരിക്കുന്നത്.
ജനാധിപത്യ ശീലങ്ങളും പൂർവ മാതൃകകളും അനുവർത്തിക്കാതെ സംഘ്പരിവാറിെൻറ ആജ്ഞാനുവര്‍ത്തികളും സ്വയംസേവകരും ആയ വ്യക്തികളെയാണ് രാജ്യത്തെ ഉന്നത വിദ്യാഭ്യാസ-ഗവേഷണ -സാംസ്കാരിക സ്ഥാപനങ്ങളുടെ തലപ്പത്ത് നിയോഗിച്ചിരിക്കുന്നത്. ഹൈദരാബാദ് കേന്ദ്ര സർവകലാശാലയും പുണെ ഫിലിം ഇൻസ്റ്റിറ്റ്യൂട്ടും ചരിത്ര ഗവേഷണ കൗണ്‍സിലും തൊട്ട് കാസർകോടുള്ള സെന്‍ട്രല്‍ യൂനിവേഴ്‌സിറ്റി ഓഫ് കേരള (സി.യു.കെ) വരെ ഇതുതന്നെയാണ് രീതി.
കേന്ദ്രത്തില്‍ അധികാരത്തില്‍ വരുന്ന കക്ഷികളുടെ രാഷ്ട്രീയത്തോട് നൂറ് ശതമാനം വിയോജിക്കുന്നതും സർക്കാറിെൻറ പല നയങ്ങളെയും എതിര്‍ക്കുന്ന പ്രമുഖ വ്യക്തികള്‍ വരെ ഇത്തരം സ്ഥാപനങ്ങളില്‍ നിയമിക്കപ്പെടുകയും അവരുടെ ഉത്തരവാദിത്തം വിമര്‍ശനങ്ങള്‍ക്കിട നല്‍കാതെ നിര്‍വഹിക്കുകയും ചെയ്തിരുന്നു. ഇതിന്റെ പ്രധാനപ്പെട്ട ഉദാഹരണമാണ് ഡോ. കകോത്കറെ പോലുള്ള സാങ്കേതിക ശാസ്ത്രജ്ഞന്‍ ഐ.ഐ.ടിയോട് വിടപറഞ്ഞതും ലോകമറിയുന്ന സാമ്പത്തിക ശാസ്ത്രജ്ഞന്‍ ഡോ. അമര്‍ത്യസെന്നിനെ നളന്ദ യൂനിവേഴ്‌സിറ്റിയുടെ വൈസ് ചാന്‍സലര്‍ സ്ഥാനത്തുനിന്ന് ഒഴിവാക്കിയതും.
യൂണിവേഴ്സിറ്റികളിൽ ബി.ജെ.പി നടത്തുന്ന വഴിവിട്ട ഇടപെടലില്‍ പ്രതിഷേധിച്ച് വിശ്വഭാരതി യൂനിവേഴ്‌സിറ്റി വി.സി ഡോ. സുശാന്ത് ദത്ത ഗുപ്ത രാജിക്കത്ത് നല്‍കിയപ്പോൾ കേന്ദ്രസര്‍ക്കാര്‍ ശ്രമിച്ചത് അദ്ദേഹത്തെ പിരിച്ച് വിധേയനായിരുന്നു. ഹൈദരാബാദ് കേന്ദ്ര സര്‍വ്കലാശാലയിലെ വൈസ് ചാന്‍സലറായി നിയമിക്കപ്പെട്ട ഡോ. അപ്പാറാവും ബനാറസ് യൂനിവേഴ്‌സിറ്റിയിലെ ജി.സി. ത്രിപാഠിയും കാസർകോടുള്ള കേന്ദ്ര സര്‍വ്കലാശാലയിലെ വി.സി ഡോ. ജി. ഗോപകുമാർ എന്നിവർ സ്വയം സേവകർ തന്നെയാണ്.
കാമ്പസുകള്‍ക്കകത്തെ ദലിത്-ന്യൂനപക്ഷ-പുരോഗമന ചിന്താഗതിക്കാരായ വിദ്യാര്‍ഥികളെയും അധ്യാപകരെയും തിരഞ്ഞുപിടിച്ച് കൈകാര്യംചെയ്യുകയും പീഡിപ്പിക്കുകയും അവരുടെ ജനാധിപത്യപരമായ പ്രതികരണാവകാശത്തെ നിഷേധിക്കുകയും ചെയ്യുന്നു.
മദ്രാസ് ഐ.ടി.ഐയിലെ അംബേദ്കർ സ്റ്റുഡൻറ്സ് യൂനിയന്‍ പ്രവര്‍ത്തനത്തെ നിരോധിച്ചു. അടുത്ത ലക്ഷ്യം ഡല്‍ഹിയിലെ ജവഹര്‍ലാല്‍ നെഹ്‌റു യൂനിവേഴ്‌സിറ്റി ആയിരുന്നു. ജെ.എന്‍.യുവിനെ ദേശവിരുദ്ധരുടെ കേന്ദ്രമെന്ന് പ്രചരിപ്പിച്ച്. എ.ഐ.എസ്.എഫ് ദേശീയ കൗണ്‍സില്‍ അംഗവും ജെ.എന്‍.യു വിദ്യാർഥി യൂനിയന്‍ പ്രസിഡൻറുമായ കനയ്യകുമാറിനെയും സഹപാഠികളെയും ദേശദ്രോഹികള്‍ എന്ന് മുദ്രകുത്തി തിഹാര്‍ ജയിലിലടച്ചതും ആർഎസ്എസ് നേതാക്കൾ.
കേന്ദ്ര സര്‍വ്കലാശാലകളില്‍ സംസ്‌കൃതം നിര്‍ബന്ധമാക്കണമെന്ന നിർദേശം ആർഎസ്എസിന്റേതാണ്. ഡല്‍ഹിയില്‍ ആര്‍.എസ്.എസ് തലവന്‍ മോഹൻ ഭാഗവതിെൻറ സാന്നിധ്യത്തില്‍ രാജ്യത്തെ ഉന്നത വിദ്യാഭ്യാസ രംഗത്തെ ‘സംഘ’പ്രമുഖരെ പങ്കെടുപ്പിച്ച് നടത്തിയ ദേശീയ സെമിനാര്‍ ഉന്നത വിദ്യാഭ്യാസമേഖലയെ തങ്ങളുടെ അജണ്ടകള്‍ക്ക് അനുസരിച്ച് പൊളിച്ചെഴുതാനുള്ള കേന്ദ്രസര്‍ക്കാറിന്റെ ആസൂത്രിതനീക്കമാണ്.
മറ്റൊരുകാര്യം ഹൈദരാബാദ് സര്‍വ്കലാശാല കാമ്പസിനകത്ത് ബ്രാഹ്മണര്‍ക്ക് മാത്രമായി ഒരു കിണറുണ്ട് എന്ന വാർത്ത നമുക്ക് ഞെട്ടിക്കുന്നതായിരുന്നുവെങ്കില്‍ ഇന്ന് അത്തരം ജാതിവിവേചനവും ദലിത് പീഡനവും വ്യാപകമായി അരങ്ങുതകര്‍ക്കുകയാണ്. കഴിഞ്ഞ ഡിസംബര്‍ ഒന്നിന് ജാട്ട് രാജാവായിരുന്ന രാജ മഹേന്ദ്ര പ്രതാപ് സിങ്ങിെൻറ ജന്മദിനം ആഘോഷിക്കാന്‍ അലീഗഢ് സര്‍വ്കലാശാല വൈസ് ചാന്‍സലര്‍ക്ക് നിര്‍ദേശം നല്‍കിയത് അന്നത്തെ കേന്ദ്ര മാനവ വിഭവശേഷി വകുപ്പുമന്ത്രി യായിരുന്ന സ്മൃതി ഇറാനിയായിരുന്നെങ്കില്‍, ഇക്കഴിഞ്ഞ സെപ്റ്റംബര്‍ 13ന് കാസർകോട് കേന്ദ്ര സര്‍വ്കലാശാലക്കകത്ത് ഗണേശപൂജ ആഘോഷിക്കാന്‍ ആഹ്വാനംനല്‍കിയത് വൈസ് ചാന്‍സലറായിരുന്നു.
അതേസമയം ഇത്തരം രീതികൾക്കെതിരെ പ്രതിഷേധിക്കുന്ന വിദ്യാര്‍ഥികളെയും അധ്യാപകരെയും വേട്ടയാടുകയാണ് സർവകലാശാല അധികാരികള്‍. ജനാധിപത്യപരമായി വിയോജിക്കുവാനുള്ള വിദ്യാർഥികളുടെ അവകാശത്തിന് നേരെയാണ് സംഘ്ശക്തികള്‍ വാളോങ്ങുന്നത്. കേന്ദ്രസര്‍ക്കാറിെൻറ നയത്തിനെതിരെ പ്രതിഷേധിക്കരുതെന്ന് തമിഴ്‌നാട് സെൻട്രല്‍ യൂനിവേഴ്‌സിറ്റിയിക്ക് നിർദ്ദേശവും നൽകി.
https://www.facebook.com/Malayalivartha
