ജമ്മു കശ്മീരിലെ ഡോഡ ജില്ലയില് കനത്ത മഴയെ തുടര്ന്നുണ്ടായ മണ്ണിടിച്ചിലില് ഒരു കുടുംബത്തിലെ അഞ്ചു പേര്ക്ക് ദാരുണാന്ത്യം
ജമ്മു കശ്മീരിലെ ഡോഡ ജില്ലയില് കനത്ത മഴയെ തുടര്ന്ന് ഇന്നലെയുണ്ടായ മണ്ണിടിച്ചിലില് ഒരു കുടുംബത്തിലെ അഞ്ചു പേര് മരിച്ചു. രണ്ട് പുരുഷന്മാരും രണ്ട് സ്ത്രീകളും ഒരു കുട്ടിയുമാണ് മരിച്ചത്. ഇവരുടെ വീടിനു മുകളിലേക്ക് മണ്ണിടിഞ്ഞു വീണതിനെ തുടര്ന്നാണ് അപകടമുണ്ടായത്.
മരണപ്പെട്ടവരുടെ ബന്ധുക്കള്ക്ക് നാല് ലക്ഷം രൂപ ധനസഹായമായി അനുവദിച്ചതായി ഡോഡ ഡെപ്യൂട്ടി കമീഷണര് സിമ്രാന്ദീപ് സിങ് അറിയിച്ചു. തകര്ന്ന വീട് പുനര് നിര്മിക്കുന്നതിനായി ഒരു ലക്ഷം രൂപയും അനുവദിച്ചിട്ടുണ്ട്.
കഴിഞ്ഞ രണ്ടു ദിവസമായി ഡോഡ ജില്ലയില് കനത്ത മഴ തുടരുകയാണ്. ഇതേ തുടര്ന്ന് ജില്ലയിലെ സ്കൂളുകള്ക്ക് അവധി നല്കിയിട്ടുണ്ട്.
https://www.facebook.com/Malayalivartha