പാവപ്പെട്ട ജനങ്ങളുടെ ജീവിതത്തിന് താങ്ങാവുന്ന ലോകത്തിലെ ഏറ്റവും വലിയ ആരോഗ്യപദ്ധതി; 2019ലെ സമാധാനത്തിനുള്ള നോബേല് സമ്മാനത്തിന് നാമനിര്ദേശം ചെയ്തത് നരേന്ദ്ര മോദിയെ...
സമാധാനത്തിനുള്ള നോബേല് സമ്മാനത്തിന് പ്രധാനമന്ത്രി നരേന്ദ്ര മോദിയെ നാമനിര്ദേശം ചെയ്തതായി വിവരം. ബി.ജെ.പിയുടെ തമിഴ്നാട് സംസ്ഥാന അധ്യക്ഷ തമിഴിശൈ സൗന്ദര്രാജനും ഭര്ത്താവും സ്വകാര്യ സര്വകലാശാലയുടെ നെഫ്രോളജിസ്റ്റുമായ ഡോ. പി സൗന്ദര്രാജനും മോദിയുടെ പേര് നാമനിര്ദേശം ചെയ്തതായാണ് വിവരം. പാവപ്പെട്ട ജനങ്ങളുടെ ജീവിതത്തിന് താങ്ങാവുന്ന ലോകത്തിലെ ഏറ്റവും വലിയ ആരോഗ്യപദ്ധതിയായ ആയുഷ്മാന് ഭാരത് നടപ്പിലാക്കിയതിനാണ് ബിജെപി തമിഴ്നാട് സംസ്ഥാന അധ്യക്ഷ തിമിഴിശൈ സൗന്ദര്രാജനും ഭര്ത്താവും നെഫ്രോളജിസ്റ്റുമായ ഡോ.പി സൗന്ദര്രാജനും മോദിയുടെ പേര് നാമനിര്ദേശം ചെയ്തിരിക്കുന്നത്. ' 2019ലെ സമാധാനത്തിനുള്ള നോബേല് സമ്മാനത്തിന് പ്രധാനമന്ത്രി നരേന്ദ്ര മോദിയുടെ പേര് നിര്ദേശിച്ചു.
ലോകത്തെ ഏറ്റവും വലിയ ആരോഗ്യ പദ്ധതിയായ ആയുഷ്മാന് ഭാരത് നടപ്പാക്കിയതിനാണിത്. ഡോ. തമിഴിശൈ സൗന്ദര്രാജയാണ് മോദിയുടേ പേര് നിര്ദേശിച്ചതെന്നും' പാര്ട്ടി പുറത്തിറക്കിയ വാര്ത്താ കുറിപ്പില് പറയുന്നു. കഴിഞ്ഞ ഞായറാഴ്ചയായിരുന്നു ആയുഷ്മാന് പദ്ധതി പ്രധാനമന്ത്രി ഉദ്ഘാടനം ചെയ്തത്. ഇക്കാര്യം പാര്ട്ടി പുറത്തിറക്കിയ വാര്ത്ത കുറിപ്പില് പറയുന്നതായി ദേശീയ മാധ്യമങ്ങള് റിപ്പോര്ട്ട് ചെയ്യുന്നു.
പ്രധാനമന്ത്രിയുടെ ആയുഷ്മാന് ഭാരത് പദ്ധതിയെ പുകഴ്ത്തി തിമിഴിശൈ സൗന്ദര്രാജ് ട്വീറ്റ് ചെയ്തിരുന്നു. ഉതിന് പിന്നാലെയാണ് മോദിയെ നൊബേല് സമ്മാനത്തിനായി നാമനിര്ദേശം ചെയ്തതായുള്ള റിപ്പോര്ട്ട് പുറത്തുവന്നിരിക്കുന്നത്.സര്വ്വകലാശാല അധ്യാപകര്ക്കും പാര്ലമെന്റംഗങ്ങള്ക്കും മറ്റുള്ളവര്ക്കും പ്രധാനമന്ത്രിയുടെ പേര് നിര്ദേശിക്കാവുന്നതാണെന്നും തിമിഴിശൈ സൗന്ദര്രാജ ഇറക്കിയ വാര്ത്താ കുറിപ്പില് പറയുന്നു. ജാര്ഖണ്ഡ് തലസ്ഥാനമായ റാഞ്ചിയിലാണ് പദ്ധതിക്ക് തുടക്കം കുറിക്കുന്ന ചടങ്ങുകള് നടന്നത്. 10 കോടി കുടുംബങ്ങള്ക്ക് അഞ്ച് ലക്ഷം രൂപയുടെ ആരോഗ്യ പരിരക്ഷയാണ് പദ്ധതി വിഭാവനം ചെയ്യുന്നത്. എന്നാല് കേന്ദ്രസര്ക്കാര് നടപ്പാക്കുന്ന പദ്ധതിയോട് ചില സംസ്ഥാനങ്ങള് മുഖം തിരിച്ചുനില്ക്കുന്നുണ്ട്.
https://www.facebook.com/Malayalivartha