ക്രിമിനല്‍ കേസുകളില്‍ പ്രതികളായ ജനപ്രതിനിധികള്‍ക്ക് അയോഗ്യത കല്‍പ്പിക്കണമെന്ന ഹരജി സുപ്രീംകോടതി തള്ളി. സുപ്രീംകോടതിയുടെ അഞ്ചംഗ ഭരണഘടന ബെഞ്ചാണ് വിധി പുറപ്പെടുവിച്ചത്. സുപ്രീംകോടതിക്ക് ഇക്കാര്യത്തില്‍ ഇടപെടാനാവില്ല. തെരഞ്ഞെടുപ്പ് കമീഷനും, കേന്ദ്രസര്‍ക്കാറുമാണ് ഇക്കാര്യത്തില്‍ ഇടപെടേണ്ടതെന്നും സുപ്രീംകോടതി വ്യക്തമാക്കി.ഇതുസംബന്ധിച്ച് കോടതി മാര്‍ഗരേഖയും പുറപ്പെടുവിച്ചിട്ടുണ്ട്.

രാഷ്ട്രീയ രംഗത്തെ സംശുദ്ധി കാത്തുസൂക്ഷിക്കാന്‍ കേന്ദ്രസര്‍ക്കാര്‍ നിയമനിര്‍മാണം നടത്തണമെന്ന് സുപ്രീംകോടതി മാര്‍ഗരേഖയില്‍ ആവശ്യപ്പെടുന്നുണ്ട്.