ഉത്തർപ്രദേശിലെ മീററ്റിൽ അന്യമതത്തിൽ നിന്നും പങ്കാളിയെ തിരഞ്ഞെടുത്തെന്നാരോപിച്ച് മെഡിക്കൽ വിദ്യാർത്ഥിയായ യുവതിയ്ക്ക് പോ​ലീ​സ് ഉ​ദ്യോ​ഗ​സ്ഥ​രു​ടെ ക്രൂര മർദ്ദനം. വിദ്യാർത്ഥിയെ മർദ്ദിക്കുന്നതിന്റെ ദൃശ്യങ്ങൾ സാമൂഹ്യമാധ്യമങ്ങളിൽ വൈറലായതോടെ വ​നി​താ കോ​ണ്‍​സ്റ്റ​ബി​ള്‍ അ​ട​ക്കമുള്ള പൊലീസുകാരെ സസ്പെൻഡ് ചെയ്തു.

ല​വ്ജി​ഹാ​ദ് ആ​രോ​പി​ച്ച്‌ മെ​ഡി​ക്ക​ല്‍ വി​ദ്യാ​ര്‍​ഥി​ക​ളാ​യ മു​സ്‌​ലിം യു​വാ​വി​നെ​യും ഹി​ന്ദു യു​വ​തി​യേ​യും വി​ശ്വ ഹി​ന്ദു പ​രി​ഷി​ത് (വി​എ​ച്ച്‌പി) പ്ര​വ​ര്‍​ത്ത​ക​ര്‍ ബ​ലം​പ്ര​യോ​ഗി​ച്ച്‌ പോ​ലീ​സ് സ്റ്റേ​ഷ​നി​ല്‍ എ​ത്തി​ച്ച​പ്പോ​ഴാ​യി​രു​ന്നു സം​ഭ​വം. മു​സ്‌​ലിം യു​വാ​വി​ന്‍റെ വീ​ട്ടി​ല്‍‌ അ​തി​ക്ര​മി​ച്ചു​ക​യ​റി​യാ​ണ് ഇ​രു​വ​രെ​യും ബ​ലം​പ്ര​യോ​ഗി​ച്ച്‌ പി​ടി​ച്ചു​കൊ​ണ്ടു​പോ​യ​ത്. ഇരുവരെയും വി​എ​ച്ച്‌പി​ക്കാ​ര്‍ മ​ര്‍ദ്ദി​ക്കു​ക​യും ചെ​യ്തു.

പി​ന്നീ​ട് യു​വാ​വി​നെ​യും യു​വ​തി​യേ​യും പോ​ലീ​സ് സ്റ്റേ​ഷ​നി​ല്‍ എ​ത്തി​ക്കു​ക​യാ​യി​രു​ന്നു. അതേസമയം യു​വാ​വി​നെ​തി​രെ പ​രാ​തി ന​ല്‍​കാ​ന്‍ വി​എ​ച്ച്‌പി​ക്കാ​ര്‍ പെ​ണ്‍​കു​ട്ടി​യു​ടെ പി​താ​വി​നെ നി​ര്‍​ബ​ന്ധി​ച്ചെ​ങ്കി​ലും അ​ദ്ദേ​ഹം വ​ഴ​ങ്ങി​യി​ല്ല.

മ​റ്റൊ​രു മ​ത​ത്തി​ല്‍​നി​ന്നും പ​ങ്കാ​ളി​യെ തെ​ര​ഞ്ഞെ​ടു​ത്തെ​ന്നു ആ​രോ​പി​ച്ച്‌ പോ​ലീ​സ് ഉ​ദ്യോ​ഗ​സ്ഥ​ന്‍ പെ​ണ്‍​കു​ട്ടി​യെ അ​സ​ഭ്യം പ​റ‍​യു​ക​യും വ​നി​താ കോ​ണ്‍​സ്റ്റ​ബി​ല്‍ ത​ല്ലു​ക​യു​മാ​യി​രു​ന്നു. ഒ​ന്നി​ലേ​റെ ത​വ​ണ ഇ​വ​ര്‍ പെ​ണ്‍​കു​ട്ടി​യു​ടെ മു​ഖ​ത്ത് അ​ടി​ച്ചു.

സം​ഭ​വ​ത്തി​ന്‍റെ വീ​ഡി​യോ വൈ​റ​ലാ​യ​തോ​ടെ​യാ​ണ് പോ​ലീ​സു​കാ​ര്‍​ക്ക് സ​സ്പെ​ന്‍​ഷ​ന്‍ നേ​രി​ടേ​ണ്ടി​വ​ന്ന​ത്. വ​നി​താ പോ​ലീ​സു​കാ​രി ഉ​ള്‍​പ്പെ​ടെ വീ​ഡി​യോ​യി​ല്‍ ഉ​ള്‍​പ്പെ​ട്ട നാ​ല് പോ​ലീ​സു​കാ​രെ​യാ​ണ് സ​സ്പെ​ന്‍​ഡ് ചെ​യ്ത​ത്.