ഹിമാചല്‍പ്രദേശിലെ പ്രളയ മേഖലയില്‍പ്പെട്ട മലയാളികളെ ഡല്‍ഹിയിലെ സുരക്ഷിത കേന്ദ്രങ്ങളിലേക്ക് മാറ്റിയെന്ന് മുഖ്യമന്ത്രിയുടെ ഓഫീസ് അറിയിച്ചു. ഹിമാചലിലെ മണാലിയില്‍ അകപ്പെട്ട 43 മലയാളികളെ മുഖ്യമന്ത്രിയുടെ ഓഫീസ് ഇടപെട്ടാണ് രക്ഷിച്ചത്. മണാലി ജില്ലാ ഭരണകൂടവുമായും സന്നദ്ധ സംഘടനകളുടെയും സഹായം സംസ്ഥാന സര്‍ക്കാര്‍ അഭ്യര്‍ഥിച്ചിരുന്നു.തിരുവനന്തപുരം, എറണാകുളം, പാലക്കാട് ജില്ലകളിലുള്ളവരാണ് മണാലിയില്‍ കുടുങ്ങിയത്. പ്രളയത്തെ തുടര്‍ന്ന് റോഡുകള്‍ തകര്‍ന്നതിനാല്‍ ചെറു വാഹനങ്ങളിലാണ് മലയാളികളായ വിനോദ സഞ്ചാരികളെ രക്ഷപ്പെടുത്തിയത്.

കേരളത്തിലേക്ക് മടങ്ങിയെത്താന്‍ സ്വകാര്യ ട്രാവല്‍ ഏജന്‍സികളുടെ സഹായം ഏര്‍പ്പെടുത്തിയിട്ടുണ്ടെന്ന് മുഖ്യമന്ത്രിയുടെ െ്രെപവറ്റ് സെക്രട്ടറി പറഞ്ഞു.