ഇന്ത്യൻ രാഷ്ട്രീയത്തെ പിടിച്ചുലയ്ക്കുന്ന റാഫേൽ ചർച്ചകൾ അവസാനിക്കുന്നില്ല. റാഫേൽ വിഷയത്തിൽ കോൺഗ്രസിനെ കടന്നാക്രമിച്ച് കേന്ദ്രആഭ്യന്തരമന്ത്രി രാജ്നാഥ് സിംഗ്.റഫാല്‍ വിമാന കരാറിന്റെ പേരിൽ ജനങ്ങളെ തെറ്റിധരിപ്പിക്കാനാണ് കോൺഗ്രസ് ശ്രമിക്കുന്നതെന്ന് കേന്ദ്രആഭ്യന്തരമന്ത്രി രാജ്നാഥ് സിംഗ് പറഞ്ഞു .കരാറിന്റെ എല്ലാ വിശദാംശങ്ങളും കോൺഗ്രസ് നേതാക്കൾക്കും അറിയാമെന്നും രാജ്‌നാഥ് സിംഗ് ആരോപിച്ചു. എല്ലായിടത്തും പരാജയപ്പെട്ട കോണ്‍ഗ്രസ് റഫാല്‍ ഉപയോഗിച്ച്‌ ജയിക്കാമെന്നാണ് കരുതുന്നതെന്നും പരിഹസിച്ചു.കൊച്ചിയില്‍ ബിജെപി സംസ്ഥാന നേതൃയോഗം ഉദ്ഘാടനം ചെയ്ത് സംസാരിക്കവേയാണ് അദ്ദേഹം കോണ്‍ഗ്രസിനെ കടന്നാക്രമിച്ചത്.