പാകിസ്താന് ഭീകരതയെ മഹത്ത്വവത്കരിക്കുന്ന രാജ്യമാണെന്ന് വിദേശകാര്യ മന്ത്രി
പാകിസ്താന് ഭീകരതയെ മഹത്ത്വവത്കരിക്കുന്ന രാജ്യമാണെന്ന് വിദേശകാര്യ മന്ത്രി സുഷമ സ്വരാജ്. അല്ഖാഇദ തലവനായ ഉസാമ ബിന്ലാദിന് അഭയം നല്കിയ രാജ്യമായിരുന്നു പാകിസ്താനെന്നും യു.എന് പൊതുസഭയുടെ 73ാമത് സമ്മേളനത്തെ അഭിസംബോധന ചെയ്യവെ സുഷമ പറഞ്ഞു.''ഇന്ത്യയെ സംബന്ധിച്ചിടത്തോളം ഭീകരത ഏറെ അകലെയുള്ള ഒന്നല്ല, അതിര്ത്തി കടന്നുവരുന്നതാണ്. അയല്രാജ്യം ഭീകരതക്ക് വളംവെക്കുക മാത്രമല്ല ചെയ്യുന്നത്. കപടമായ വാക്കുകള്കൊണ്ട് അതിനെ മൂടിവെക്കാന് കഴിയുന്ന രാജ്യമാണത്. ചര്ച്ചകള് അട്ടിമറിക്കുന്നത് ഞങ്ങളാണ് എന്നാണ് അവര് പറയുന്നത്. അത് തീര്ത്തും തെറ്റാണ്. പാകിസ്താനുമായി ചര്ച്ചകള് പലവട്ടം തുടങ്ങിയതാണ്. അവ നിന്നുപോയിട്ടുണ്ടെങ്കില് അത് അവരുടെ കാരണംകൊണ്ടാണ്'' സുഷമ പറഞ്ഞു.
''അമേരിക്ക ഏറ്റവും വലിയ ശത്രുവായി പ്രഖ്യാപിച്ച ഉസാമ ബിന്ലാദിന് അവരുടെ സുഹൃദ്രാജ്യമായ പാകിസ്താനില്തന്നെ അഭയം ലഭിച്ചതെങ്ങനെയാണ്. നിരപരാധികളുടെ രക്തം ചിന്തുന്നതില് മടി കാണിക്കാത്ത പാകിസ്താന് ഭീകരതയെ മഹത്ത്വവത്കരിക്കുന്ന രാജ്യമാണ്'' സുഷമ അഭിപ്രായപ്പെട്ടു.
ഭീകരതക്കൊപ്പം കാലഘട്ടത്തിലെ ഏറ്റവും വലിയ വെല്ലുവിളി കാലാവസ്ഥ വ്യതിയാനമാണെന്നും സുഷമ പറഞ്ഞു. ഇതിനെ നേരിടാന് വികസിത രാജ്യങ്ങള് മറ്റു രാജ്യങ്ങളെ സാമ്പത്തികമായും സാങ്കേതികമായും സഹായിക്കണമെന്നും അവര് കൂട്ടിച്ചേര്ത്തു. പ്രധാനമന്ത്രി നരേന്ദ്ര മോദിയുടെ നേതൃത്വത്തില് വനിതകളും സമൂഹത്തില് പിന്നാക്കം നില്ക്കുന്നവരുമടക്കം എല്ലാ വിഭാഗക്കാരുടെയും ഉന്നമനത്തിനായി വിപുലമായ പദ്ധതികളാണ് നടപ്പാക്കുന്നതെന്നും വിദേശകാര്യ മന്ത്രി പറഞ്ഞു
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha