തമിഴ്‌നാട് തിരുച്ചിറപ്പള്ളി സമയപുരത്ത് നിര്‍ത്തിയിട്ടിരുന്ന ലോറിയില്‍ കാര്‍ ഇടിച്ച് എട്ട് മരണം. രണ്ട് കുട്ടികളും മൂന്ന് സ്ത്രീകളും ഉള്‍പ്പെടെ എട്ട് പേരും സംഭവസ്ഥലത്തു തന്നെ മരിച്ചു. അപകടത്തില്‍ പരിക്കേറ്റ നാല് പേരില്‍ രണ്ടു പേരുടെ നില ഗുരുതരമാണ്.

എട്ട് പേര്‍ക്ക് സഞ്ചരിക്കാന്‍ സൗകര്യമുള്ള വാഹനത്തില്‍ 12 പേര്‍ ഉണ്ടായിരുന്നു. പുലര്‍ച്ചെ 4.45 ഓടെ ആയിരുന്നു അപകടമുണ്ടായത് .

ചെന്നൈയില്‍ നിന്നും തിരുച്ചിറപ്പള്ളിയിലേക്ക് വരികയായിരുന്ന എസ്‌യുവി കാറാണ് അപകടത്തില്‍പ്പെട്ടത്. വാഹനത്തിന്റെ നിയന്ത്രണം ഡ്രൈവര്‍ക്ക് നഷ്ടമായതിനെ തുടര്‍ന്ന് റോഡിനു സമീപം നിര്‍ത്തിയിട്ടിരുന്ന ലോറിയിലേക്ക് ഇടിച്ചു കയറുകയായിരുന്നു. പരിക്കേറ്റവരെ തിരുച്ചിറപ്പള്ളിയിലെ സര്‍ക്കാര്‍ ആശുപത്രിയില്‍ പ്രവേശിപ്പിച്ചതായും ഇവരുടെ നില ഗുരുതരമാണെന്നും പോലീസ് അറിയിച്ചു.