സംസ്ഥാനത്ത് പശു സംരക്ഷണത്തിന് വേണ്ടി പ്രത്യേക മന്ത്രാലയം വേണമെന്നാണ് തന്റെ ആഗ്രഹം എന്ന് മധ്യപ്രദേശ് മുഖ്യമന്ത്രി ശിവാരാജ് സിംഗ് ചൗഹാന്‍. ഒരു ചടങ്ങില്‍ പങ്കെടുത്ത് സംസാരിക്കവെയാണ് അദ്ദേഹം തന്റെ ആഗ്രഹം പങ്കുവച്ചത്. മധ്യപ്രദേശില്‍ പശു സംരക്ഷണത്തിനായി പ്രത്യേക ബോര്‍ഡ് ഉണ്ട്. എങ്കിലും പ്രത്യേക മന്ത്രാലയം വേണമെന്നാണ് തന്റെ ആഗ്രഹം എന്നും അദ്ദേഹം പറഞ്ഞു.

പശു സംരക്ഷണത്തിന് ഒരു ബോര്‍ഡ് ഉണ്ടെങ്കിലും മന്ത്രാലയം ഉണ്ടാകുന്നതാണ് അതിലും നല്ലത്. സര്‍ക്കാര്‍ കുറച്ച്‌ ഫണ്ടുകള്‍ മാത്രമാണ് ബോര്‍ഡിന് നല്‍കുന്നത്. എന്നാല്‍ പ്രത്യേക മന്ത്രാലയം രൂപികരിച്ചാല്‍ കൂടുതല്‍ ഫണ്ടുകള്‍ നല്‍കാന്‍ സാധിക്കും എന്നും ചൗഹാന്‍ പറഞ്ഞു.
കൂടാതെ പശുസംരക്ഷണത്തിനായി ജനങ്ങള്‍ കൂടുതല്‍ കാര്യങ്ങള്‍ ചെയ്യണം എന്നും അദ്ദേഹം പറഞ്ഞു. വീട്ടില്‍ രണ്ട് മുതല്‍ നാല് പശുക്കളെ വളര്‍ത്തണം. അങ്ങനെ ചെയ്താല്‍ അത് വലിയൊരു വിപ്ലവമായി മാറും എന്നും ചൗഹാന്‍ കൂട്ടിച്ചേര്‍ത്തു.