ട്രെയിനിലും പരിസരപ്രദേശങ്ങളിലും നാളെ സസ്യേതര ഭക്ഷണങ്ങൾ ലഭ്യമാകില്ല; ഗാന്ധിജയന്തി ദിനത്തിൽ വേറിട്ട ആശയവുമായി റെയിൽവേ അധികൃതർ
ഗാന്ധിജയന്തി ദിനത്തിൽ രാജ്യത്തെ ഒരു തീവണ്ടികളിലും റെയില്വേ സ്റ്റേഷനുകളിലും റെയില്വേ പരിസരങ്ങളിലും മാംസാഹാരം ലഭ്യമാകുകയില്ല. നാളെയും തുടർന്ന് വരുന്ന രണ്ട് വര്ഷങ്ങളിലെ ഗാന്ധിജയന്തിക്കും ഇതേ മാതൃക പിന്തുടരണമെന്ന് റെയിൽവേ അധികൃതരുടെ ഉത്തരവ്.
അതേസമയം ട്രെയിനുകളിലോ റെയില്വേ സ്റ്റേഷനുകളിലോ മാംസാഹാരം വിതരണം ചെയ്യുന്നില്ലെന്ന് റെയില്വേയിലെ എല്ലാ ജീവനക്കാരും ഉറപ്പ് വരുത്തണമെന്ന് റെയില്വേ മന്ത്രാലയം ഇറക്കിയ സര്ക്കുലറില് ആവശ്യപ്പെട്ടിട്ടുണ്ട്.
റെയില്വേയിലെ ഭക്ഷണ വിതരണ ചുമതലയുള്ള ഐആര്സിടിസിയ്ക്കും എല്ലാ റെയില്വേ മേഖലാ പ്രിന്സിപ്പല് ചീഫ് കൊമേഴ്സ്യല് മാനേജര്മാര്ക്കും ഉത്തരവ് കൈമാറിയിട്ടുണ്ട്. റെയില്വേ മന്ത്രാലയം മുന്നോട്ട് വെച്ച നിര്ദ്ദേശം അംഗീകരിച്ചാല് ഒക്ടോബര് രണ്ട് ശുചിത്വ ദിനത്തിന് പുറമെ വെജിറ്റേറിയന് ദിനമായും ആഘോഷിക്കപ്പെടും. ഗാന്ധി ജയന്തിയോട് അനുബന്ധിച്ച് ദണ്ഡി യാത്ര അനുസ്മരണം ഉള്പ്പെടെ നിരവധി പരിപാടികളും റെയില്വേ ആസൂത്രണം ചെയ്യുന്നുണ്ട്.
https://www.facebook.com/Malayalivartha
