സഹപാഠിയായ പെൺകുട്ടിയെ ഒരേസമയം പ്രണയിച്ച രണ്ട് വിദ്യാർത്ഥികൾ തീകൊളുത്തി ആത്മഹത്യ ചെയ്ത നിലയിൽ കണ്ടെത്തി. പ്രണയത്തിന്റെ പേരില്‍ കലഹിച്ച ഇരുവരും ഇതിനിടെ പേരിലാകാം പരസ്പരം തീകൊളുത്തിയതെന്നാണ് പ്രാഥമിക നിഗമനം.

തെലങ്കാന ജാഗ്തിയിലെ മിഷണറി സ്‌കൂളിലെ പത്താം ക്ലാസ് വിദ്യാര്‍ത്ഥികളാണ് പ്രണയത്തിന്റെ പേരില്‍ ജീവനൊടുക്കിയത്. 16 വയസുള്ള കെ മഹീന്ദറും രവി തേജയുമാണ് മരിച്ചത്. പ്രണയത്തിന്റെ പേരില്‍ ഇരുവരും കലഹിച്ചിരുന്നുവെന്ന് സഹപാഠികള്‍ പറയുന്നു.

മഹീന്ദറും രവി തേജയും മദ്യപിച്ച ശേഷം പരസ്പരം തീ കൊളുത്തിയതാവാമെന്ന് അന്വേഷണോദ്യോഗസ്ഥര്‍ അറിയിച്ചത്. സംഭവ സ്ഥലത്തുനിന്ന് ബിയര്‍കുപ്പികള്‍ കണ്ടെത്തിയിട്ടുണ്ട്. തീ കൊളുത്തുന്നതിന് മുന്‍പ് ഇവര്‍ പരസ്പരം പെട്രോളൊഴിച്ചുവെന്നാണ് കരുതുന്നത്.

ഗുരുതരമായി പരുക്കേറ്റ മഹീന്ദര്‍ സംഭവസ്ഥലത്തും രവി തേജയെ ആശുപത്രിയിലുമാണ് മരിച്ചത്. ഇവര്‍ക്കൊപ്പം മറ്റൊരു ആണ്‍കുട്ടിയും ഉണ്ടായിരുന്നുവെന്ന് ബന്ധുക്കള്‍ പറയുന്നു. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.

ഇരുവര്‍ക്കും സഹപാഠിയായ പെണ്‍കുട്ടിയോട് തോന്നിയ താല്‍പര്യം ഇവര്‍ക്കിടയില്‍ ശത്രുതയ്ക്ക് വഴിതെളിച്ചിട്ടുണ്ടാവാമെന്ന് പൊലീസും പറഞ്ഞു. സംഭവസ്ഥലത്തുനിന്ന് കണ്ടെത്തിയ ഇവരുടെ ഫോണിലെ വിവരങ്ങള്‍ പരിശോധിച്ചു വരികയാണ്.