ആ സംഗീതവും ഇനി ഓര്‍മ്മകളിലേക്ക്‌... വയലിന്‍ ചക്രവര്‍ത്തി ലാല്‍ഗുഡി ജയരാമന് പ്രണാമം
വയലിന്‍ കുലപതി ലാല്‍ഗുഡി ജയരാമന് ഇനി ഓര്‍മ്മയില്‍. ചെന്നെയിലെ വസതിയിലായിരുന്നു അന്ത്യം. പക്ഷാഘാതത്തെ തുടര്‍ന്ന്‌ ചികിത്സയിലായിരുന്നു അദ്ദേഹം.
'ലാല്‍ഗുഡിബാനി' എന്ന പേരില്‍ കര്‍ണാടക സംഗീതത്തിന് തനത് വയലിന്‍ ശൈലി ആവിഷ്‌കരിച്ച വയലിന്‍ കുലപതികൂടിയാണ്‌ അദ്ദേഹം. കാലത്തിനനുസരിച്ച്‌ തന്റെ ശൈലിയില്‍ മാറ്റംവരുത്തി ജനങ്ങളെ ആകര്‍ഷിക്കാന്‍ കഴിഞ്ഞതാണ്‌ ലാല്‍ഗുഡിയുടെ വലിയ പ്രത്യേകത. ആധുനികതയിലൂടെ വയലിനില്‍ വിസ്‌മയം തന്നെ സൃഷ്‌ടിച്ചു. എങ്കിലും തന്റെ പരമ്പരാഗത സംഗീതത്തെ മുറുകെപ്പിടിച്ചു.
അച്ഛന്റെ പാത പിന്തുടര്‍ന്ന അദ്ദേഹം വനിതാഗായകര്‍ക്ക്‌ വേണ്ടി വയലിന്‍ വായിച്ചിരുന്നില്ല.
1930 സപ്തംബര്‍ 17ന് ചെന്നൈയില്‍ ജനിച്ച ജയരാമന് പന്ത്രണ്ടാം വയസില്‍ അകമ്പടിക്കാരനായി സംഗീതജീവിതം ആരംഭിച്ചു.
കര്‍ണാടക സംഗീതത്തിന് തനത് വയലിന്‍ ശൈലി ആവിഷ്‌കരിച്ചു. നാദവിദ്യാതിലകം(1963), പത്മശ്രീ(1972), നാദവിദ്യാരത്‌നാകരപുരസ്‌കാരം, സംഗീതചൂഡാമണി, സംഗീത നാടക അക്കാദമി പുരസ്‌കാരം(1979), പത്മഭൂഷണ്‍(2001) തുടങ്ങിയവ നേടി. 2006ല്‍ ശൃംഗാരം എന്ന ചിത്രത്തിന്റെ സംഗീതസംവിധാനത്തിന് ദേശീയ ചലച്ചിത്രപുരസ്‌കാരം നേടി.
മകന്‍ ലാല്‍ഗുഡി ജി.ജെ.ആര്‍ കൃഷ്ണന്‍, മകള്‍ ജി.ജെ.ആര്‍ വിജയലക്ഷ്മി എന്നിവരും പ്രസിദ്ധ വയലിനിസ്റ്റുകളാണ്.
https://www.facebook.com/Malayalivartha
