കോളനിയിലെ താമസക്കാരുടെ അവകാശങ്ങള് സംരക്ഷിക്കാനായി സര്ക്കാര് അവരോടൊപ്പം... എറണാകുളം മലയിടംതുരുത്ത് പാരിയത്തുകാവ് കോളനിയില് നാളെ കുടിയൊഴിപ്പിക്കല് ഉണ്ടാകില്ലെന്ന് സര്ക്കാര്....
സര്ക്കാര് നേരിട്ട് കോടതിയില് ഇടപെടും...എറണാകുളം മലയിടംതുരുത്ത് പാരിയത്തുകാവ് കോളനിയില് നാളെ കുടിയൊഴിപ്പിക്കല് ഉണ്ടാകില്ലെന്ന് സര്ക്കാര്.
കോളനിയിലെ താമസക്കാരുടെ അവകാശങ്ങള് സംരക്ഷിക്കുന്നതിനായി സര്ക്കാര് അവരോടൊപ്പമുണ്ട്. സര്ക്കാര് നേരിട്ട് കോടതിയില് ഇടപെടുമെന്നും മന്ത്രി റോജി എം ജോണ് മാധ്യമങ്ങളോട് പറഞ്ഞു. കൊച്ചി കലക്ടറേറ്റില് കുടിയിറക്ക് ഭീഷണി നേരിടുന്നവരുമായി നടത്തിയ ചര്ച്ചയ്ക്ക് ശേഷമാണ് മന്ത്രി പ്രതികരിച്ചത്.
സര്ക്കാര് തിങ്കളാഴ്ച തന്നെ ഈ കേസ് ഹൈക്കോടതിയില് ഉന്നയിക്കാനായി ശ്രമിക്കും. അതിന് അഡ്വക്കേറ്റ് ജനറലിന് നിര്ദേശം നല്കി. ഇക്കാര്യം കോളനി വാസികള്ക്ക് സര്ക്കാര് ഉറപ്പു നല്കിയിട്ടുണ്ടെന്നും വ്യക്തമാക്കി മന്ത്രി റോജി എം ജോണ് . ഈ കേസിന്റെ ചരിത്രത്തില് ആദ്യമായിട്ടാണ് ഒരു സര്ക്കാര് കേസില് ഇടപെട്ട് സര്ക്കാരിന്റെ വാദമുഖങ്ങള് അവതരിപ്പിക്കുന്നതെന്നും മന്ത്രി .
ഇത്തരത്തിലൊരു ശ്രമം ഇതുവരെ ഒരു സര്ക്കാരിന്റെ ഭാഗത്തു നിന്നും ഉണ്ടായിട്ടില്ല. കോടതിയില് നിന്നും കോളനിയിലെ താമസക്കാര്ക്ക് അനുകൂലമായ വിധി ലഭിക്കുന്നതിനുവേണ്ടിയുള്ള ഇടപെടല് നടത്തുന്നതാണ്. കേസ് നടത്തിപ്പില് നിരവധി പ്രശ്നം ഉണ്ടെന്നാണ് താമസക്കാര് പറഞ്ഞത്.
കോടതിയില് നിന്നും ഇനി അനുകൂല വിധി ഉണ്ടായില്ലെങ്കില്, ഇവരെ സര്ക്കാര് പുനരധിവസിപ്പിക്കും. ഒരുകാരണവശാലും ഈ കുടുംബങ്ങള് പെരുവഴിയിലാകില്ലെന്നും മന്ത്രി റോജി എം ജോണ് വ്യക്തമാക്കി. അത്തരമൊരു സാഹചര്യം ഉണ്ടായാല് താമസക്കാരുമായി ചര്ച്ച ചെയ്ത് പുനരധിവാസ പാക്കേജ് തീരുമാനിക്കും. അതു നടപ്പാക്കുകയും ചെയ്യും.
അഭിഭാഷക കമ്മീഷന് പ്രവര്ത്തനങ്ങള് സര്ക്കാര് നിയന്ത്രണത്തില് ഇല്ല. താമസക്കാര്ക്ക് അനുകൂല വിധി ലഭിക്കാനായി കോടതിയില് സര്ക്കാര് ഏതറ്റം വരെയും പോകുമെന്നും മന്ത്രി .
" f
https://www.facebook.com/Malayalivartha
