ചാച്ചാജിയുടെ ജന്മദിനമായ നവംബര്‍ 14ന്‌ സ്‌കൂളുകളില്‍ ചൈല്‍ഡ്‌ ലൈന്‍ ക്ലബുകള്‍ രൂപം കൊള്ളുന്നു. തുടക്കത്തില്‍ തിരുവനന്തപുരം നഗരത്തിലെ തിരഞ്ഞെടുത്ത സ്‌കൂളുകളിലാണ്‌ ഈ ക്ലബുകള്‍ക്ക്‌ രൂപം നല്‍കുന്നത്‌. കുട്ടികളെക്കൊണ്ട്‌ പണിയെടുപ്പിക്കുന്നതില്‍ നിന്നും തടയാന്‍ കുട്ടികള്‍ക്ക്‌ തന്നെ ഇതിലൂടെ കഴിയുന്നു. എവിടെയെങ്കിലും ബാലവേല ചെയ്യുന്നത്‌ കണ്ടാല്‍ 1098ലേക്ക്‌ വിളിക്കാവുന്നതാണ്‌. 24 മണിക്കൂറും പ്രവര്‍ത്തിക്കുന്ന ഈ ദേശീയ നമ്പരിലേക്കുള്ള സേവനം തികച്ചും സൗജന്യമാണ്‌. കുട്ടികളുടെ ക്ഷേമത്തിനായി അവര്‍കൂടി പങ്കാളികളാവുന്ന ഈ ചൈല്‍ഡ്‌ ലൈന്‍ ക്ലബുകള്‍ക്ക്‌ രൂപം നല്‍കുന്നത്‌ വനിതാ ശിശുക്ഷേമ വകുപ്പാണ്‌. 35 സ്‌കൂളുകളേയാണ്‌ തുടക്കത്തില്‍ ഈ പദ്ധതിയില്‍ കൊണ്ട്‌ വരുന്നത്‌.