പാക്കിസ്ഥാനേ എണ്ണിക്കോ... ഇന്ത്യ തിരിച്ചടിക്കുന്നു, പുല്വാമ ആക്രമണത്തിന് ബോംബ് നിര്മിച്ചയാളെ വധിച്ചു
പുല്വാമ ഭീകരാക്രമണത്തില് പാക്ക് സേനയുടെ പങ്ക് കൂടി സ്ഥിരീകരിച്ച്, അതിര്ത്തിയില് ശക്തമായ തിരിച്ചടിക്ക് ഇന്ത്യയുടെ ഒരുക്കം. രണ്ടു സാധ്യതകളാണു ചര്ച്ചകളിലുള്ളത്. കമാന്ഡോകളെ ഉപയോഗിച്ചുള്ള മിന്നലാക്രമണം. പാക്ക് മണ്ണിലെ ഭീകര താവളങ്ങള്ക്കു നേരെ വ്യോമമാര്ഗമുള്ള മിസൈലാക്രമണം. മിന്നലാക്രമണത്തില് വൈദഗ്ധ്യമുള്ള കര, വ്യോമ സേനകളുടെ കമാന്ഡോ വിഭാഗങ്ങളായ പാരാ സ്പെഷല് ഫോഴ്സ്, ഗരുഡ് എന്നിവയ്ക്കു ജാഗ്രതാ നിര്ദേശം നല്കിയിട്ടുണ്ട്.
കഴിഞ്ഞ ദിവസം രാജസ്ഥാനിലെ പൊഖ്റാനില് നടത്തിയ അഭ്യാസപ്രകടനത്തില്, ശത്രു മേഖലകളില് കടന്നുകയറിയുള്ള മിന്നലാക്രമണങ്ങളിലുള്ള പരിശീലനവും ഗരുഡ് കമാന്ഡോകള് നടത്തി. എന്നാല്, മുന് അനുഭവം കണക്കിലെടുത്ത് മിന്നലാക്രമണത്തെ പ്രതിരോധിക്കാനുള്ള തയാറെടുപ്പുകള് പാക്ക് സേന നടത്തിയേക്കും.ഈ സാഹചര്യത്തിലാണു വ്യോമമാര്ഗമുള്ള സൂക്ഷ്മ ആക്രമണം പരിഗണിക്കുന്നത്. യുദ്ധവിമാനങ്ങളില് നിന്നുള്ള മിസൈലാക്രമണത്തിനു പ്രത്യാക്രമണമുണ്ടാകാനുള്ള സാധ്യത കണക്കിലെടുത്ത് അതിര്ത്തി മേഖലകളില് ആകാശ് മിസൈലുകള് സജ്ജമാക്കും. പാക്കിസ്ഥാനെ ആക്രമിച്ചാല് ചൈനയുടെ ഇടപെടലുണ്ടായേക്കുമെന്ന കണക്കുകൂട്ടലില് വടക്ക്, കിഴക്കന് അതിര്ത്തികളിലും സുരക്ഷ ശക്തമാക്കി. അല് ഖായിദ തലവന് ഉസാമ ബിന് ലാദനെ യുഎസ് കമാന്ഡോകള് പാക്കിസ്ഥാനില് പോയി വധിച്ചതു പോലെയുള്ള സൈനികനടപടി മസൂദ് അസ്ഹറിന്റെ കാര്യത്തില് ഇന്ത്യ സ്വീകരിക്കണമെന്ന ആവശ്യവും ശക്തം. ജമ്മു കശ്മീരിലെ ഉധംപുര് ആസ്ഥാനമായുള്ള കരസേനയുടെ വടക്കന് കമാന്ഡിന്റെ നേതൃത്വത്തിലാണു പ്രത്യാക്രമണ തന്ത്രങ്ങള് മെനയുന്നത്.
തിരിച്ചടി എവിടെ, എപ്പോള് വേണമെന്നു നിശ്ചയിക്കാന് കൃത്യമായ ഇന്റിലിജന്സ് വിവരം അനിവാര്യമാണ്. ജമ്മു കശ്മീരിലെ പുല്വാമയില് 40 സൈനികരുടെ മരണത്തിനു കാരണമായ ഭീകരാക്രമണത്തിന്റെ സൂത്രധാരനടക്കം രണ്ടു ഭീകരരെ സൈന്യം വധിച്ചു. ദക്ഷിണ കശ്മീരില് നടന്ന ഏറ്റുമുട്ടലിലാണ് ഇവരെ വധിച്ചത്. രാവിലെ നടന്ന ആക്രമണത്തില് നാലു സൈനികരും വീരമൃത്യു വരിച്ചിരുന്നു. പുല്വാമയിലെ പിങ്ഗ്ലന മേഖലയില് ജയ്ഷെ മുഹമ്മദ് ഭീകരരുമായിട്ടായിരുന്നു ആക്രമണം. പാക്ക് ഭീകരനായ കംമ്രാനാണ് ഭീകരാക്രമണത്തിനു പിന്നിലെന്നു കണ്ടെത്തിയിരുന്നു. കംമ്രാനൊപ്പം പ്രാദേശിക ഭീകരന് ഹിലാലും കൊല്ലപ്പെട്ടിട്ടുണ്ട്.
ചാവേറിനു ബോംബ് നിര്മിച്ചു നല്കിയത് കംമ്രാനാണെന്നാണ് നിഗമനം. അതേസമയം, ഇവരെയാണു വധിച്ചതെന്ന് അധികൃതര് ഔദ്യോഗികമായി സ്ഥിരീകരിച്ചിട്ടില്ല. മേജര് വി.എസ്. ധൗന്ദിയാല് (ഡെറാഡൂണ്), ഹവില്ദാര് ഷിയോ റാം (രാജസ്ഥാന്), അജയ് കുമാര് (മീററ്റ്), ഹരി സിങ് (ഹരിയാന) എന്നിവരാണ് കൊല്ലപ്പെട്ട സൈനികര്. 55 രാഷ്ട്രീയ റൈഫിള്സ് വിഭാഗത്തില്പ്പെട്ട സൈനികരാണു മരിച്ചത്. പുല്വാമയില് 40 സൈനികര് കൊല്ലപ്പെട്ടതിനു പിന്നാലെ അതിര്ത്തിയില് സൈന്യം തിരച്ചില് ശക്തമാക്കിയിരുന്നു. പരിശോധന തുടരുന്നതിനിടെയാണ് ഇന്നും സൈനികര്ക്കെതിരെ ആക്രമണമുണ്ടായത്.
"https://www.facebook.com/Malayalivartha
