സുനന്ദയ്ക്ക് സംഭവിച്ചത് ആര്ക്കും സംഭവിക്കാതിരിക്കട്ടെ ; സുനന്ദ പുഷ്ക്കറിന്റെ മരണവുമായി ബന്ധപ്പെട്ട കേസിന്റെ വിചാരണ ദില്ലി പട്യാല ഹൗസ് കോടതിയില് തുടങ്ങുമ്പോള് കേസ് വീണ്ടും ചര്ച്ചയാകുന്നു
വീണ്ടും സുനന്ദ പുഷ്കറിന്റെ ദുരൂഹ മരണം വാര്ത്തകളില് നിറയുന്നു. സുനന്ദ പുഷ്ക്കറിന്റെ മരണവുമായി ബന്ധപ്പെട്ട കേസിന്റെ വിചാരണ ദില്ലി പട്യാല ഹൗസ് കോടതിയില് തുടങ്ങുമ്പോള് വീണ്ടും ചര്ച്ചയാവുകയാണ് കേസ്. സുനന്ദ പുഷ്ക്കറിന്റെ മരണത്തില് ശശി തരൂരിനെതിരെ ആത്മഹത്യാ പ്രേരണക്കുറ്റമാണ് ദില്ലി പൊലീസ് ചുമത്തിയത്. വിചാരണക്കായി ശശി തരൂര് കോടതിയിലെത്തി. കേസ് പരിഗണിച്ച ദില്ലി അഡീഷണല് ചീഫ് മെട്രോപൊളിറ്റന് മജിസ്ട്രേറ്റ് കോടതിയില് നിന്ന് വിചാരണയ്ക്കായി കേസ് സെഷന്സ് കോടതിയിലേക്ക് മാറ്റിയിരുന്നു. കേസില് കോടതിയെ സഹായിക്കാന് അനുവദിക്കണമെന്ന് ആവശ്യപ്പെട്ട് ബിജെപി നേതാവ് സുബ്രഹ്മണ്യ സ്വാമി നല്കിയ ഹര്ജിയും കോടതി തള്ളി. സുനന്ദയുടെത് ആത്മഹത്യയാണെന്നാണ് കുറ്റപത്രത്തില് പറയുന്നത്.
പൊലിസ് ശേഖരിച്ച തെളിവുകളും രേഖകളും തരൂരിന് കൈമാറാന് പട്യാല ഹൗസ് കോടതി നേരത്തെ ഉത്തരവിട്ടിരുന്നു. ഇക്കൂട്ടത്തിലുള്ള ചില ഡിജിറ്റല് തെളിവുകള് തുറന്ന് പരിശോധിക്കാന് കഴിഞ്ഞില്ലെന്ന് തരൂരിന്റെ അഭിഭാഷകന് കോടതിയെ അറിയിച്ചിരുന്നു. ജനുവരി 14നാണ് ദില്ലി പൊലിസ് ശശി തരൂരിനെതിരെയുള്ള കുറ്റപത്രം സമര്പ്പിച്ചത്. 2014 ജനുവരി 17നായിരുന്നു സുനന്ദ പുഷ്കര് സംശയാസ്പദമായ രീതിയില് മരിച്ചത്. കേസില് സുനന്ദയുടെ ഭര്ത്താവും കോണ്ഗ്രസ് നേതാവും എംപിയുമായ ശശിതരൂരിനെ പ്രതി ചേര്ത്തു കൊണ്ട് ഡല്ഹി പൊലീസ് എഫ്ഐആര് സമര്പ്പിച്ചിരുന്നു. സുനന്ദ പുഷ്കറിന്റെ മരണത്തില് ഭര്ത്താവും എംപിയുമായ ശശി തരൂരിനെ പ്രതിയാക്കി പൊലീസ് കുറ്റപത്രം സമര്പ്പിച്ചു. ഡല്ഹി പട്യാല ഹൗസ് കോടതിയിലാണു കുറ്റപത്രം സമര്പ്പിച്ചത്. ആത്മഹത്യാ പ്രേരണയ്ക്കും ഗാര്ഹിക പീഡനത്തിനുമാണ് കുറ്റം ചുമത്തിയിരിക്കുന്നത്. അതേസമയം, സുനന്ദയുടേത് ആത്മഹത്യ തന്നെയാണെന്നും കുറ്റപത്രത്തില് പറയുന്നു. തെളിയിക്കപ്പെട്ടാല് പത്തുവര്ഷം വരെ തടവു ലഭിക്കാവുന്ന കുറ്റങ്ങളാണിത്. കേസില് ഈമാസം 24ന് വീണ്ടും വാദം കേള്ക്കും.
യുക്തിക്കു നിരക്കാത്ത കുറ്റപത്രമാണു പൊലീസ് പുറത്തിറക്കിയിരിക്കുന്നതെന്നും ഇതിനെ ശക്തമായിത്തന്നെ നേരിടുമെന്നും ശശി തരൂര് വ്യക്തമാക്കി. താന് കാരണമാണ് ആത്മഹത്യയെന്നതു സുനന്ദയെ അറിയാവുന്ന ആരും വിശ്വസിക്കുകയില്ല. പൊലീസിന്റേത് അവിശ്വസനീയ നടപടിയാണെന്നും തരൂര് ട്വീറ്റ് ചെയ്തു.<ു> 'നാലു വര്ഷത്തിലേറെയെടുത്തു പുറത്തുവന്ന അന്വേഷണ റിപ്പോര്ട്ട് ഇതാണെങ്കില് ഡല്ഹി പൊലീസിന്റെ രീതികളും എന്താണ് അവരെ ഇത്തരമൊരു കുറ്റപത്രത്തിലേക്കു നയിച്ചതെന്നതു സംബന്ധിച്ചും എന്തൊക്കെയോ പ്രശ്നങ്ങളുണ്ട്. സുനന്ദയുടെ മരണത്തില് ആര്ക്കെതിരെയും ഒരു തെളിവും ലഭിച്ചിട്ടില്ലെന്ന് ഡല്ഹി ഹൈക്കോടതിയില് ഇക്കഴിഞ്ഞ ഒക്ടോബര് 17നു പൊലീസിന്റെ അഭിഭാഷകന് തന്നെ സമ്മതിച്ചതാണ്. ആറുമാസത്തിനു ശേഷം അവരിപ്പോള് പറയുന്നു ആത്മഹത്യയ്ക്കു പ്രേരണയായത് ഞാനാണെന്ന്.
ു>2014 ജനുവരി 17നാണ് സുനന്ദ പുഷ്കറെ ഡല്ഹി ചാണക്യപുരിയിലെ നക്ഷത്ര ഹോട്ടലിലെ മുറിയില് മരിച്ച നിലയില് കണ്ടെത്തിയത്. ശശി തരൂരാണ് സുനന്ദയെ മരിച്ച നിലയില് ആദ്യം കണ്ടതെന്നാണ് അദ്ദേഹത്തിന്റെ െ്രെപവറ്റ് സെക്രട്ടറിയായിരുന്ന അഭിനവ് കുമാര് അന്ന് മാധ്യമങ്ങളോടു വെളിപ്പെടുത്തിയത്. പെട്ടെന്നുള്ളതും അസ്വാഭാവികവുമാണ് മരണമെന്നും അല്പ്രാക്സ് ഗുളിക അമിതമായി കഴിച്ചതാണ് കാരണമെന്നും പോസ്റ്റ്മോര്ട്ടം നടത്തിയ ഡോ.സുധീര് ഗുപ്ത ആദ്യം വ്യക്തമാക്കിയിരുന്നു. എന്നാല്, അല്പ്രാക്സിന്റെ സാന്നിധ്യം സുനന്ദയുടെ ഉള്ളില് കണ്ടെത്താതിരുന്നത് പോസ്റ്റ്മോര്ട്ടം റിപ്പോര്ട്ടിനെക്കുറിച്ചും സംശയത്തിന് ഇടയാക്കി. റിപ്പോര്ട്ട് കെട്ടിച്ചമയ്ക്കാന് തന്റെമേല് സമ്മര്ദമുണ്ടായെന്ന് ഡോ.ഗുപ്ത പിന്നീട് ആരോപിച്ചു.
എയിംസ് ഓട്ടോപ്സി വിഭാഗം നടത്തിയ പരിശോധനയില് കാരണം കണ്ടുപിടിക്കാന് കഴിയാതെ വന്നതോടെ യുഎസിലെ ഫെഡറല് ബ്യൂറോ ഓഫ് ഇന്വെസ്റ്റിഗേഷന്റെ (എഫ്ബിഐ) സഹായം തേടി. അസ്വാഭാവികമരണം ആണെന്നു കണ്ടെത്തിയ എഫ്ബിഐ റേഡിയോ ആക്ടീവ് വിഷം പ്രയോഗിച്ചിട്ടില്ലെന്നും പറഞ്ഞിരുന്നു. മരണം അന്വേഷിക്കുന്ന പ്രത്യേക സംഘം ശശി തരൂര് ഉള്പ്പെടെ ഏഴുപേരെ ചോദ്യംചെയ്തിരുന്നു. അതില് ആറുപേരെ പോളിഗ്രാഫ് പരിശോധനയ്ക്കും വിധേയരാക്കി. മരണത്തിനു മുമ്പു സുനന്ദയുടെ മൊബൈല് ഫോണില് വന്ന കോളുകളും അവര് നടത്തിയ ചാറ്റിങ്ങും വിശകലനം ചെയ്തിരുന്നു.
https://www.facebook.com/Malayalivartha