ചെന്നൈ മംഗലാപുരം സൂപ്പര്‍ ഫാസ്റ്റ് ട്രെയിന്‍ പാളം തെറ്റി... എന്‍ജിനും പാര്‍സല്‍ സാധനങ്ങള്‍ കയറ്റുന്ന വാഗണും ആണ് തെന്നിമാറിയത്
ഷൊര്‍ണൂര്‍ റെയില്‍വേ സ്‌റ്റേഷനില്‍ വെച്ച് ചെന്നൈ മംഗലാപുരം സൂപ്പര്‍ ഫാസ്റ്റ് ട്രെയിന്‍ പാളംതെറ്റി. രണ്ട് ബോഗികള്‍ പാളത്തില്‍ നിന്ന് തെന്നിമാറി. ആര്‍ക്കും പരിക്കില്ല. രാവിലെ ഏഴു മണിയോടെയാണ് സംഭവം. എന്നാല്‍, ബദല്‍ പാതയിലൂടെ ട്രെയിന്‍ ഗതാഗതം പുനക്രമീകരിച്ചു. സാങ്കേതിക പിഴവാണ് കാരണം സ്‌റ്റേഷന്‍ പ്ലാറ്റ്‌ഫോമിലേക്ക് കയറുന്ന ഭാഗത്താണ് കോച്ചുകള്‍ പാളം തെറ്റിയത്. എന്‍ജിനും പാര്‍സല്‍ സാധനങ്ങള്‍ കയറ്റുന്ന വാഗണും ആണ് തെന്നിമാറിയത്. സംഭവം നടന്ന ഉടന്‍ തന്നെ തകരാര്‍ പരിഹരിക്കാനുള്ള പ്രവര്‍ത്തനങ്ങള്‍ അധികൃതര്‍ ആരംഭിച്ചു.
സിഗ്‌നല്‍ സംവിധാനത്തിന് തകരാര്‍ സംഭവിച്ചിട്ടുണ്ടെന്നും മൂന്നു മണിക്കൂറിനുള്ളില്‍ അറ്റകുറ്റപണി നടത്തി പരിഹരിക്കുമെന്ന് റെയില്‍വേ അധികൃതര്‍ അറിയിച്ചു. തിരുവനന്തപുരംപാലക്കാട് പാതയിലെ ട്രെയിന്‍ ഗതാഗതം ഭാഗികമായി വൈകാന്‍ സാധ്യതയുണ്ടെന്ന് റെയില്‍വേ അറിയിച്ചു. അമൃത എക്‌സ്പ്രസ് റെയില്‍വേ സ്‌റ്റേഷനില്‍ കയറാതെ പാലക്കാട്ടേക്ക് യാത്ര തുടരാന്‍ നടപടി സ്വീകരിക്കും
https://www.facebook.com/Malayalivartha
