മകന്റെ പിറന്നാളിന് എത്താത്ത മുത്തശ്ശിയെ യുവാവ് തല്ലിക്കൊന്നു
മകന്റെ പിറന്നാളാഘോഷത്തില്‍ പങ്കെടുക്കാന്‍ ക്ഷണിച്ചിട്ടും എത്താത്തതിന് യുവാവ് മുത്തശ്ശിയെ അടിച്ചുകൊന്നു. ഹരിയാനയിലെ ഫത്തേഹ്ബാദിലാണ് സംഭവം.
ഫത്തേഹ്ബാദ് സ്വദേശിനി രമാദേവി(70) ആണ് കൊലപാതകത്തിനിരയായത്.
സംഭവത്തില്‍ കൊച്ചുമകന്‍ വിക്കിയെയും വിക്കിയുടെ അമ്മ നിര്‍മലയേയും പോലീസ് കസ്റ്റഡിയിലെടുത്തു.
സ്വത്ത് സംബന്ധിച്ച് രമാദേവിയും കൊച്ചുമക്കളും തമ്മില്‍ തര്‍ക്കം നിലനിന്നിരുന്നു.
തന്മൂലം രമാദേവിയും ഭര്‍ത്താവ് റാം അവതാറും മാറി താമസിക്കുകയിരുന്നു.
കഴിഞ്ഞദിവസം വിക്കിയുടെ മകന്റെ ഒന്നാം പിറന്നാളാഘോഷത്തിന് രമാദേവിയെ ക്ഷണിച്ചിരുന്നെങ്കിലും അവര്‍ പങ്കെടുത്തിരുന്നില്ല.
തുടര്‍ന്ന് വിക്കി രമാദേവിയുടെ വീട്ടിലെത്തി വഴക്കുണ്ടാക്കി. തര്‍ക്കത്തിനിടെ വിക്കി ഇരുമ്പ് ദണ്ഡ് ഉപയോഗിച്ച് രമാദേവിയെ അടിച്ചുവീഴ്ത്തുകയായിരുന്നു. ഉടനെ ആശുപത്രിയിലെത്തിച്ചെങ്കിലും രമാദേവിയുടെ ജീവന്‍ രക്ഷിക്കാനായില്ല.
https://www.facebook.com/Malayalivartha
