മുൻ ഉന്നത സൈനികർ ബിജെപിയിൽ ചേർന്നു ; അഭിനന്ദിച്ച് കേന്ദ്ര പ്രതിരോധ മന്ത്രി നിർമല സീതാരാമൻ
സൈന്യത്തിന്റെ ഉന്നത പദവിയിലിരുന്ന് വിരമിച്ച ഏഴുപേര്‍ ബിജെപിയില്‍ ചേര്‍ന്നു . ലഫ്റ്റനന്റ് ജനറല്‍മാരായ ജെബി എസ് യാദവ് , ആര്‍ എന്‍ സിംഗ് , എസ് കെ പത്യാല്‍ , സുനിത് കുമാര്‍ ,നിതിന്‍ കോലി , കേണല്‍ ആര്‍ കെ തൃപാഠി ,വിംഗ് കമാന്‍ഡര്‍ നവനീത് മാഗോണ്‍ എന്നിവരാണ് ബിജെപിയില്‍ ചേര്‍ന്നത് . പ്രതിരോധമന്ത്രി നിര്‍മ്മല സീതാരാമന്റെ സാന്നിദ്ധ്യത്തില്‍ നടന്ന ചടങ്ങിലാണ് ഇവരുടെ ബിജെപി പ്രവേശനം .
സൈന്യത്തിന്റെ ഉന്നതസ്ഥാനത്തിലുണ്ടായിരുന്നവരെ ബിജെപി യിലേയ്ക്ക് സ്വീകരിക്കുന്നതില്‍ വളരെയധികം അഭിമാനമുള്ളതായി നിര്‍മ്മലാ സീതാരാമന്‍ പറഞ്ഞു . രാജ്യത്തിന്റെ സുരക്ഷാ കാര്യങ്ങളില്‍ ഉചിതമായ തീരുമാനങ്ങള്‍ എടുക്കാന്‍ ഇവരുടെ സാന്നിദ്ധ്യം വളരെയധികം ഗുണകരമാകുമെന്നും അവര്‍ വ്യക്തമാക്കി .
പാര്‍ട്ടിയില്‍ അംഗമാക്കിയതില്‍ ഏറെ സന്തോഷമുണ്ടെന്നും ബിജെപിയ്ക്കും,അമിത് ഷായ്ക്കും നന്ദി പറയുന്നതായും ജെ ബി എസ് യാദവ് പറഞ്ഞു .
https://www.facebook.com/Malayalivartha
