പീഡനാരോപണവുമായി ബന്ധപ്പെട്ട് ഒരു ചീഫ് ജസ്റ്റീസ് കമ്മിറ്റിക്കു മുന്നില്‍ ഹാജരാകുന്നത് ഇന്ത്യന്‍ നിയമവ്യവസ്ഥയുടെ ചരിത്രത്തില്‍ ആദ്യം... പരാതി അന്വേഷിക്കുന്ന ജസ്റ്റീസ് ബോബ്‌ഡെ അധ്യക്ഷനായ മൂന്നംഗ ആഭ്യന്തര സമിതിക്കു മുമ്പാകെ ചീഫ് ജസ്റ്റീസ് രഞ്ജന്‍ ഗൊഗോയി മൊഴി നല്‍കി
ചീഫ് ജസ്റ്റീസ് രഞ്ജന്‍ ഗൊഗോയി തനിക്കെതിരായ പീഡനാരോപണത്തില്‍ മൊഴി നല്‍കി. പരാതി അന്വേഷിക്കുന്ന ജസ്റ്റീസ് ബോബ്‌ഡെ അധ്യക്ഷനായ മൂന്നംഗ ആഭ്യന്തര സമിതിക്കു മുമ്പാകെയാണ് ചീഫ് ജസ്റ്റീസ് ഹാജരായത്. ആരോപണങ്ങള്‍ ചീഫ് ജസ്റ്റീസ് നിഷേധിച്ചതായാണു വിവരം. ഇന്ത്യന്‍ നിയമവ്യവസ്ഥയുടെ ചരിത്രത്തില്‍ ഇതാദ്യമായാണ് ഒരു ചീഫ് ജസ്റ്റീസ് പീഡനാരോപണവുമായി ബന്ധപ്പെട്ട് ഒരു കമ്മിറ്റിക്കു മുന്നില്‍ ഹാജരാകുന്നത്. ആരോപണം അന്വേഷിക്കുന്ന സുപ്രീംകോടതിയുടെ ആഭ്യന്തര സമിതിയുമായി സഹകരിക്കില്ലെന്നു പരാതിക്കാരി കഴിഞ്ഞ ദിവസം അറിയിച്ചിരുന്നു.
തന്റെ അഭിഭാഷകയെ തെളിവെടുപ്പില്‍ ഹാജരാക്കാന്‍ സമ്മതിക്കാത്തതും താന്‍ നിര്‍ദേശിച്ച ഫോണുകളില്‍നിന്നു തെളിവെടുക്കാത്തതും ചൂണ്ടിക്കാട്ടിയാണ് യുവതി നിസഹകരണം പ്രഖ്യാപിച്ചത്. ഇതേതുടര്‍ന്ന് എക്‌സ് പാര്‍ട്ടി നടപടിയായി തുടരാന്‍ സമിതി തീരുമാനിച്ചു. ജസ്റ്റീസ് എസ്.എ. ബോബ്‌ഡെ, ജസ്റ്റീസുമാരായ ഇന്ദു മല്‍ഹോത്ര, ഇന്ദിര ബാനര്‍ജി എന്നിവരടങ്ങിയതാണ് പരാതി അന്വേഷിക്കുന്ന ആഭ്യന്തര സമിതി. സുപ്രീംകോടതിയിലെ മുന്‍ ജീവനക്കാരിയാണു ചീഫ് ജസ്റ്റീസ് രഞ്ജന്‍ ഗൊഗോയിക്കെതിരേ പീഡന ആരോപണം ഉന്നയിച്ചത്.
"
https://www.facebook.com/Malayalivartha
