മുന് രാഷ്ട്രപതി പ്രണബ് മുഖര്ജിയുടെ അനുഗ്രഹം തേടി പ്രധാനമന്ത്രി നരേന്ദ്ര മോദി; പ്രണബ് ദായെ കാണുന്നത് മഹത്തായ അനുഭവമാണെന്ന് മോദിയുടെ ട്വിറ്റർ കുറിപ്പ്
28 MAY 2019 03:32 PM IST
മലയാളി വാര്ത്ത
മുന് രാഷ്ട്രപതിയും കോണ്ഗ്രസ് നേതാവുമായിരുന്ന പ്രണബ് മുഖര്ജിയെ സന്ദർശിച്ച് നരേന്ദ്ര മോദി. പ്രണബിന്റെ വീട്ടിലെത്തി അനുഗ്രഹം തേടിയ മോദി സന്ദര്ശന ചിത്രങ്ങള് ട്വിറ്ററില് പങ്കുവച്ചു. സ്റ്റേറ്റ്സ്മാന് എന്നാണ് പ്രണബ് മുഖര്ജിയെ മോദി വിശേഷിപ്പിച്ചത്. പ്രണബ് ദായെ കാണുന്നത് മഹത്തായ അനുഭവമാണ്. അദ്ദേഹത്തിന്റെ അറിവും ആഴവും സമാനതകളില്ലാത്തതാണ്. രാജ്യത്തിന് വിലമതിക്കാനാകാത്ത സംഭാവന നല്കിയ സ്റ്റേറ്റ്സ്മാനാണ് പ്രണബ് മുഖര്ജിയെന്നും മോദി ട്വിറ്ററില് കുറിച്ചു.
മോദിയുടെ മുദ്രാവാക്യമായ സബ്കാ സാഥ്, സബ്കാ വികാസ്, സബ്കാ വിശ്വാസിന് പ്രണബ് മുഖര്ജി ആശംസകളറിയിച്ചു. പ്രണബ് മുഖര്ജിയുടെ മകള് ശര്മിഷ്ട മുഖര്ജിയും പ്രധാനമന്ത്രിയുടെ സന്ദര്ശനത്തിന് നന്ദി പറഞ്ഞു. ഒന്നാം മോദി സര്ക്കാര് പ്രണബ് മുഖര്ജിയെ ഭാരതരത്ന നല്കി ആദരിച്ചിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
