കാമുകനൊപ്പം ചേർന്ന് ഭര്‍ത്താവിനെ ക്രൂരമായി കൊലപ്പെടുത്തി. കേസിൽ കാമുകനും യുവതിക്കും ജീവപര്യന്തം തടവ്​. രണ്ട്​ വര്‍ഷം മുൻപു ​ കൊല്‍ക്കത്തയെ നടുക്കിയ കൊല​പാതകത്തിനാണ് ഇപ്പോൾ വിധി വന്നിരിക്കുന്നത്. കൊൽക്കത്തയിലെ നോര്‍ത്ത് 24 പര്‍ഗാന ജില്ലയിലെ അനുപം സിന്‍ഹ(34) ആണ്​ കൊല്ലപ്പെട്ടത്​. ഭാര്യ മോന കാമുകന്‍ അജിത്​ റോയ്​ എന്നിവരാണ് ജീവപര്യന്തം തടവ് ശിക്ഷയ്ക്കു വിധിക്കപ്പെട്ടിരിക്കുന്നത്.

അഞ്ച്​ വര്‍ഷത്തെ പ്രണയത്തിന്​ ശേഷമാണ്​ അനുപവും മോനയും 2017 ജനുവരിയില്‍ വിവാഹിതരായത്​. അനുപം മണി എക്​സ്​ചേഞ്ച്​ സ്ഥാപനത്തിലാണ്​​ ജോലി ചെയ്​തിരുന്നത്​. വിവാഹത്തിന്​ ശേഷം മോന അജിത്​ റോയിയുമായി പ്രണയത്തിലാവുകയായിരുന്നു. സ്​കൂളില്‍ വെച്ച്‌​ ഇരുവര്‍ക്കും പരസ്​പരം അറിയാമായിരുന്നുവെങ്കിലും ​മോന ഉന്നത പഠനത്തിനായി പോയതോടെ ബന്ധത്തില്‍ വിള്ളല്‍ വീഴുകയായിരുന്നു. മോന നല്‍കിയ വീടിൻറെ താക്കോല്‍ ഉപയോഗിച്ച്‌ അജിത്​ റോയ് വീടിനുള്ളിൽ എത്തി.​ ഇരുബ്​ വടികൊണ്ട്​ അടിച്ച്‌ ഇയാൾ അനുപം സിന്‍ഹയെ കൊലപ്പെടുത്തുകയായിരുന്നു​. എന്നാൽ,ഈ വിധിയില്‍ സംതൃപ്​തിയില്ലെന്നും ഇരുവര്‍ക്കും വധശിക്ഷ ലഭിക്കുമെന്നായിരുന്നു പ്രതീക്ഷിച്ചതെന്നും ​ അനുപം സിന്‍ഹയുടെ രക്ഷിതാക്കള്‍ പറഞ്ഞു.