രക്ഷാബന്ധന് ചാണകത്തില് നിന്നുള്ള രാഖി; പരിസ്ഥിതി സൗഹൃദ രാഖി എന്ന് അവകാശപ്പെട്ടാണ് ചാണകം കൊണ്ടുള്ള രാഖികള് ഉണ്ടാക്കിയിരിക്കുന്നത്
ഈ വര്ഷത്തെ രക്ഷാബന്ധന് മഹോത്സവത്തിന് ചാണകം കൊണ്ടുള്ള പ്രകൃതി ദത്തമായ രാഖികള്. പരിസ്ഥിതി സൗഹൃദ രാഖി എന്ന് അവകാശപ്പെട്ടാണ് ചാണകം കൊണ്ടുള്ള രാഖികള് ഉണ്ടാക്കിയിരിക്കുന്നത്. മുന് പ്രവാസിയായ അല്ഖ ലഹോട്ടിയാണ് ഈ വേറിട്ട ചിന്തയ്ക്ക് പിന്നില്. ഉത്തര്പ്രദേശിലെ നാഗിനയിലെ ശ്രീകൃഷ്ണ ഗോശാലയില് നിന്നാണ് ചാണക രാഖിയുടെ തുടക്കം. ബിജ്നോറിലെ ഇവരുടെ ശ്രീ കൃഷ്ണ ഗോശാലയില് 117 പശുക്കളാണുള്ളത്. ഇവിടെനിന്നുള്ള ചാണകം കൊണ്ട് തന്നെയാണ് ചാണക രാഖി നര്മ്മിക്കുന്നതും.
കര്ണാടകത്തില് നിന്നും ഉത്തര്പ്രദേശില് നിന്നും ഉത്തരാഖണ്ഡില് നിന്നും ഒറീസയില് നിന്നും രാഖിക്ക് ആവശ്യക്കാരുണ്ടെന്ന് അല്ഖ പറയുന്നു. ചൈനയില് നിന്ന് വരുന്ന രാഖിയേക്കാള് പരിസ്ഥിതി സൗഹൃദമാണ് ചാണകരാഖികള് എന്നും അല്ഖ പറഞ്ഞു.
സഹോദരി- സഹോദര ബന്ധത്തിന്റെ ആഴം കുറിക്കുന്ന രക്ഷാബന്ധന് ചടങ്ങുകള് ഇന്ത്യന് സംസ്ക്കാരത്തിന്റെ പ്രത്യേകതയാണ്. ശ്രാവണമാസത്തിലെ പൗര്ണ്ണമി നാളിലാണ് രക്ഷാബന്ധന് ചടങ്ങുകള് ആചരിക്കുന്നത്. രാഖി എന്നപേരിലും ഇതറിയപ്പെടുന്നു. സഹോദരി, സഹോദരന്റെ കൈത്തണ്ടയില് രാഖിച്ചരട് കെട്ടുന്ന ചടങ്ങാണ് രക്ഷാബന്ധന്. സ്വന്തം സുരക്ഷക്കുളള വാഗ്ദാനമാണ് സഹോദരി സഹോദരന്റെ കൈത്തണ്ടയില് ബന്ധിക്കുന്നത് എന്നാണ് വിശ്വാസം.
സാഹോദര സ്നേഹത്തിന്റെ പവിത്രത എടുത്ത് കാണിക്കുന്നതാണ് ഇതിന്റെ പ്രത്യേകത. രാഖിയുടെ ഐതിഹ്യം ഇങ്ങനെയാണ്. ഒരിക്കല് ദേവന്മാരും അസുരന്മാരും തമ്മില് യുദ്ധം നടന്നു.ദേവന്മാര് പരാജയപ്പെടാന് തുടങ്ങിയപ്പോള് ഇന്ദ്രന്റെ പത്നിയായ 'ശചി' ഇന്ദ്രന്റെ കയ്യില് രക്ഷയ്ക്കായി, രാഖി കെട്ടികൊടുക്കുകയും, ഈ രക്ഷാസൂത്രത്തിന്റെ ബലത്തില്, ഇന്ദ്രന് ശത്രുക്കളെ പരാജയപ്പെടുത്താന് ശക്തി നേടി. വിജയവുമായി തിരിച്ച് വന്ന ആ ദിവസം മുതലാണ് 'രക്ഷാബന്ധന്' ആരംഭിക്കുന്നത്. പിന്നീട് സഹോദരി സഹോദരന്റെ കൈകളില് രാഖി കെട്ടുന്ന ചടങ്ങ് പ്രചാരത്തില് വന്നു. രാഖിയുടെ നൂലുകള്ക്ക് അത്ഭുതശക്തിയുണ്ടെന്നാണ് വിശ്വസിച്ച് വരുന്നത്. ഇത് സംബന്ധിച്ച് പല ചരിത്രസംഭവങ്ങളും ഉണ്ടായിട്ടുണ്ട്. സിക്കന്ദറും പുരുവും തമ്മിലുള്ള ചരിത്രപ്രധാനമായ യുദ്ധം ആരംഭിക്കുന്നതിന് മുമ്പ്, സിക്കന്ദറുടെ കാമുകി, പുരുവിനെ സമീപിക്കുകയും, കൈകളില് രാഖി കെട്ടിച്ച് സഹോദരനാക്കുകയും ചെയ്ത്, യുദ്ധത്തില് സിക്കന്ദറെ വധിക്കുകയില്ല എന്ന ഒരു സത്യവചനവും വാങ്ങി. പുരു കൊടുത്ത വാക്ക് പാലിക്കുകയും ചെയ്തു. രക്ഷാബന്ധന്റെ മഹത്ത്വം കാണിക്കുന്ന സംഭവമാണ് ഇത്. സഹോദരി രക്ഷാബന്ധന് ദിവസം മധുരപലഹാരങ്ങളും,രാഖിയും, ദീപവും നിറച്ച് വച്ച താലവുമായി, സഹോദരനെ സമീപിച്ച്, ദീപം ഉഴിഞ്ഞ്, തിലകം ചാര്ത്തി, ദീര്ഘായുസ്സിനും നന്മയ്ക്കും വേണ്ടി പ്രാര്ത്ഥിക്കുകയും കൈയില് വര്ണ്ണ നൂലുകളാല് അലങ്കരിക്കപ്പെട്ട സുന്ദരമായ രാഖി കെട്ടികൊടുക്കുകയും ചെയ്യുന്നു. സഹോദരന് ആജീവാനന്തം അവളെ സംരക്ഷിക്കുവാനും പരിപാലിക്കുവാനും വചനമെടുക്കുന്നു. ഉപഹാരമായി പണമോ വസ്ത്രമോ സഹോദരിക്ക് നല്കുന്നു. അന്യസ്ത്രീയാണെങ്കിലും രാഖി കെട്ടി കഴിഞ്ഞാല് അവളെ അവര് സഹോദരിയായി അംഗീകരിക്കുന്നു.രക്ഷാബന്ധന് വടക്കേ ഇന്ത്യയില് ഹിന്ദുക്കളുടെ ഇടയിലാന് കൂടുതല് പ്രചാരമായിട്ടുള്ളത്.
https://www.facebook.com/Malayalivartha
