മദ്യപിച്ച്‌ വാഹനമോടിക്കുന്നവരുടെ ശ്രദ്ധയ്ക്ക്. പിടിക്കപ്പെട്ടാൽ 10,000 രൂപയാണ് പിഴ നൽകേണ്ടി വരിക. പാര്‍ലമെന്റ് പാസാക്കിയ മോട്ടോര്‍ വാഹന ഭേദഗതി ബില്ലിലാണ് 10,000 രൂപയായി പിഴ തുക ഉയര്‍ത്തിയിരിക്കുന്നത്. നേരത്തെ 2,000 രൂപയായിരുന്നു. കൂടാതെ എല്ലാ ട്രാഫിക് നിയമ ലംഘനങ്ങള്‍ക്കുമുള്ള പിഴ കൂട്ടിയിട്ടുണ്ട്.ഹെല്‍മറ്റില്ലാതെ ഇരുചക്ര വാഹനങ്ങള്‍ ഓടിച്ചാല്‍ മൂന്നു മാസം വരെ ലൈസന്‍സ് സസ്‌പെന്‍ഡ് ചെയ്യുകയും ചെയ്യും.

ലൈസന്‍സ് ഇല്ലാതെ വാഹനമോടിച്ചാല്‍ 5,000 രൂപ. അമിത വേഗതയില്‍ വാഹനമോടിച്ചാൽ 1,000 രൂപ. ലൈറ്റ് മോട്ടോര്‍ വാഹനങ്ങള്‍ക്ക് 2,000 രൂപയാണ് പിഴ. റോഡിൽ മത്സരയോട്ടം നടത്തിയാൽ 5,000. അപകടകരമായി ഡ്രൈവിങിന് 5,000. പെര്‍മറ്റില്ലാതെ വാഹനമോടിച്ചാല്‍ 10,000. സീറ്റ് ബെല്‍റ്റോ ഹെല്‍മറ്റോ ഇല്ലെങ്കില്‍ 1,000. എമര്‍ജന്‍സി വാഹനങ്ങള്‍ക്ക് സൈഡ് നല്‍കാതിരുന്നാല്‍ 10,000. ഇന്‍ഷുറന്‍സ് ഇല്ലെങ്കില്‍ 2,000 എന്നിങ്ങനെയാണ് പുതുക്കിയ പിഴ തുക.