വെടിനിര്ത്തല് കരാര് ലംഘിച്ച പാക്കിസ്ഥാനെ ബൊഫേഴ്സ് ഉപയോഗിച്ച് തിരിച്ചടിച്ച് ഇന്ത്യ
വെടിനിര്ത്തല് കരാര് ലംഘിച്ച പാക്കിസ്ഥാനെ ബൊഫേഴ്സ് ഉപയോഗിച്ച് തിരിച്ചടിച്ച് ഇന്ത്യ. ഭീഷണി മുന്നറിയിപ്പുകള്ക്കു പിന്നാലെ ജമ്മുകശ്മീരില് നിയന്ത്രണ രേഖയുടെ സമീപം വെടിനിര്ത്തല് കരാര് ലംഘിച്ച പാക്കിസ്ഥാന് കനത്ത തിരിച്ചടിയാണ് ഇന്ത്യന് സൈന്യം നല്കിയത്.
അതിര്ത്തി വഴി നുഴഞ്ഞു കയറാന് ശ്രമിച്ച പാക്കിസ്ഥാന്റെ ബോര്ഡര് ആക്ഷന് ടീമിനെ(ബാറ്റ്) ബൊഫോഴ്സ് പീരങ്കികള് ഉപയോഗിച്ചാണ് ഇന്ത്യ പ്രതിരോധിച്ചത്.മികച്ച പരിശീലനം ലഭിച്ച കമാന്ഡോകളെയാണ് പാക്കിസ്ഥാന് ഈ ഓപ്പറേഷന് ഉപയോഗിച്ചതെങ്കിലും ഇന്ത്യ നല്കിയ തിരിച്ചടിയില് പാക്കിസ്ഥാന് പിന്വലിയുകയായിരുന്നു.
പ്രതിരോധത്തിന് ബൊഫോഴ്സ് പീരങ്കികള് സാധാരണയായി ഇന്ത്യ ഉപയോഗിക്കാറുള്ളതല്ല. 155 എം.എം നിറകളാണ് ബൊഫോഴ്സ് പീരങ്കിയില് ഉപയോഗിക്കുന്നത്. ഇത്തരത്തില് അഞ്ച് തവണയാണ് നിയന്ത്രണ രേഖയില് അതിക്രമിച്ച് കയറാനും ആക്രമണം നടത്താനും ശ്രമം ഉണ്ടായത്. ജൂലൈ 31 രാത്രിയും, ആഗസ്റ്റ് 1 പുലര്ച്ചെയുമായിരുന്നു കശ്മീരിലെ കേരന് സെക്ടറില് വെച്ച് ഇന്ത്യയ്ക്ക് നേരെ പാക്കിസ്ഥാന് ആക്രമണം നടത്തിയത്. കശ്മീരില് അമര്നാഥ് തീര്ത്ഥാടകരെ ലക്ഷ്യം വെച്ച് കഴിഞ്ഞ ഏതാനും ദിവസങ്ങളായി പാക്കിസ്ഥാന് ആക്രമണം നടത്തിയിരുന്നു.
ഏറ്റുമുട്ടലില് 'ബാറ്റ്' കമാന്ഡോകളില് 4 പേര് മരണപ്പെട്ടിട്ടുണ്ടെന്നാണ് റിപ്പോര്ട്ടുകള്. മൃതദേഹങ്ങള് കണ്ടെടുക്കാന് ഇന്ത്യ ശ്രമം നടത്തിയെങ്കിലും പാക്കിസ്ഥാന് നിരന്തരം ഈ ശ്രമങ്ങള് തടപ്പെടുത്തുകയായിരുന്നു.കശ്മീരില്, ഭീകരാക്രമണ സാധ്യതയുടെ പശ്ചാത്തലത്തില് വിനോദ സഞ്ചാരികളും തീര്ത്ഥാടകരും കശ്മീര് വിടണമെന്ന് മുന്നറിയിപ്പ് കഴിഞ്ഞ ദിവസം മുന്നറിയിപ്പ് നല്കിയിരുന്നു.
https://www.facebook.com/Malayalivartha
