പാര്‍ലമെന്റില്‍ കേന്ദ്രസര്‍ക്കാര്‍ അടിക്കടി ബില്ലുകള്‍ പാസാക്കിയതിനെതിരെ മന്ത്രി എം.എം മണി രംഗത്ത് . ‘ചുട്ടെടുക്കുകയാണ്, ചക്കക്കുരുവല്ല, ബില്ലുകളാണ്’ എന്നുതുടങ്ങുന്ന ചെറുപോസ്റ്റാണ് മന്ത്രി ഫേസ്ബുക്കിലിട്ട് തന്റെ എതിർപ്പ് തുറന്നടിച്ചത്. പാര്‍ലമെന്റ് തന്തൂരി അടുപ്പായി മാറുന്നുവെന്നും അദ്ദേഹം പരിഹസിച്ചു. ഫാസിസം ഇങ്ങനെയും കടന്നുവരുമെന്നും അദ്ദേഹം തന്റെ കുറിപ്പിലൂടെ ഓർമിപ്പിക്കുന്നു. എന്നാൽ കേന്ദ്ര സർക്കാരിന്റെ ഇത്തരത്തിലുള്ള നീക്കത്തിനെതിരെ കടുത്ത ഭാഷയിൽ എതിർപ്പുമായി പ്രതിപക്ഷ നേതാക്കളും പ്രതികരിച്ചിരുന്നു.

മന്ത്രി എം.എം മണിയുടെ ഫേസ്ബുക്ക് പോസ്റ്റ്:

ചുട്ടെടുക്കുകയാണ്;
ചക്കക്കുരുവല്ല, ബില്ലുകളാണ്.
ചർച്ചയില്ലാതെ, സ്റ്റാന്റിംഗ് കമ്മിറ്റിക്ക് വിടാതെ,
പാതി വെന്തതും, വേവാത്തതുമൊക്കെ
ഒന്നൊന്നായി ചുട്ടെടുക്കുകയാണ്.
പാർലമെന്റ് തന്തൂരി അടുപ്പായി മാറുന്നു.
ജനാധിപത്യം നോക്കുകുത്തിയായി മാറുന്നു .

ഫാസിസം ഇങ്ങിനെയും കടന്നുവരും.

ചെറുത്തുനിൽപ്പല്ലാതെ മാർഗ്ഗമില്ല.