രാഹുല് ഗാന്ധി കോഴിക്കോട്ടെ താമരശ്ശേരിയിലും വയനാട് ജില്ലയിലെ പ്രളയബാധിത മേഖലകളിലും സന്ദര്ശനം നടത്തും... ആദ്യം താമരശ്ശേരിയിലെ ക്യാമ്പിലേക്ക് എത്തുന്ന അദ്ദേഹം പിന്നാലെ മണ്ണിടിച്ചിലില് തകര്ന്നടിഞ്ഞ് കേരളത്തിന്റെ കണ്ണീരായി മാറിയ പുത്തുമലയിലേക്ക് പോകും. പുത്തുമലയില് ഇപ്പോഴും കാണാതായവര്ക്കായുള്ള രക്ഷാ പ്രവര്ത്തനം പുരോഗമിക്കുന്നു
രാഹുല് ഗാന്ധി ഇന്ന് കോഴിക്കോട്ടെ താമരശ്ശേരിയിലും വയനാട് ജില്ലയിലെ പ്രളയബാധിത മേഖലകളിലും ഇന്ന് സന്ദര്ശനം നടത്തും. ഇന്നലെ മലപ്പുറം ജില്ലയിലെ കവളപ്പാറ അടക്കമുള സ്ഥലങ്ങളില് രാഹുല് ഗാന്ധി എത്തിയിരുന്നു. കാഴിക്കോട്, വയനാട് ജില്ലകളിലെ ആറ് പ്രളയ ബാധിത മേഖലകളിലാണ് ഇന്ന് രാഹുല്ഗാന്ധി എത്തുന്നത്. ആദ്യം താമരശ്ശേരിയിലെ ക്യാംപിലേക്ക് എത്തുന്ന അദ്ദേഹം പിന്നാലെ മണ്ണിടിച്ചിലില് തകര്ന്നടിഞ്ഞ് കേരളത്തിന്റെ കണ്ണീരായി മാറിയ പുത്തുമലയിലേക്ക് പോകും. പുത്തുമലയില് ഇപ്പോഴും കാണാതായവര്ക്കായുള്ള രക്ഷാ പ്രവര്ത്തനം പുരോഗമിക്കുകയാണ്.തുടര്ന്ന് വയനാട് ജില്ലയിലെ പനമരം ,മേപ്പാടി. മീനങ്ങാടി, മുണ്ടേരി തുടങ്ങിയ പ്രളയബാധിത മേഖലകളില് എത്തും.
പ്രളയ അവലോകന യോഗത്തിലും രാഹുല് ഗാന്ധി ഇന്ന് പങ്കെടുക്കും. കേരളം വലിയ ദുരന്തത്തെ നേരിടുമ്ബോള് രാജ്യം ഒപ്പം നില്ക്കണമെന്ന് രാഹുല് ഇന്നലെ അഭ്യര്ത്ഥിച്ചിരുന്നു.ഇന്നലെ മലപ്പുറം ജില്ലയിലെ പ്രളയ മേഖലകളാണ് രാഹുല് ഗാന്ധി സന്ദര്ശിച്ചത്. നിരവധി പേര് മണ്ണിനടിയിലായ കവളപ്പാറയിലും രാഹുല് എത്തി.
ഉറ്റവര്ക്കായി തെരച്ചില് തുടരുന്ന ബന്ധുക്കളെ സമാശ്വസിപ്പിച്ചു. രക്ഷാ പ്രവര്ത്തനങ്ങളില് രാഹുല് സന്തുഷ്ടി പ്രകടിപ്പിച്ചു.എന്നാല് ക്യാംപുകളിലെ സൗകര്യങ്ങള് മെച്ചപ്പെടേണ്ടതുണ്ടെന്നും രാഹുല് പറഞ്ഞു. മലപ്പുറം ജില്ലയിലെ പ്രളയ അവലോകന യോഗത്തിലും പങ്കെടുത്താണ് രാഹുല് ഗാന്ധി കോഴിക്കോട്ടേക്ക് മടങ്ങിയത്. ഇന്ന് വയനാട്, കോഴിക്കോട് ജില്ലകളിലെ സന്ദര്ശനം പൂര്ത്തിയാക്കി വയനാട്ടില് തങ്ങുന്ന രാഹുല് ഗാന്ധി നാളെ മടങ്ങും.
https://www.facebook.com/Malayalivartha
