പ്രതിഷേധങ്ങള് ശക്തമാകുമെന്ന് സൂചന... ശ്രീനഗറില് വീണ്ടും നിരോധനാജ്ഞ പുറപ്പെടുവിച്ചു
പ്രതിഷേധങ്ങള് ശക്തമായതിനെ തുടര്ന്ന് ശ്രീനഗറില് വീണ്ടും നിരോധനാജ്ഞ പുറപ്പെടുവിച്ചു. നിയന്ത്രണങ്ങളില് ഇളവ് വരുത്തിയതിനെത്തുടര്ന്ന് നഗരത്തില് ഇടയ്ക്കിടെ ഏറ്റുമുട്ടലുകള് നടന്നതായി സര്ക്കാര് പറഞ്ഞതിന് തൊട്ടു പിന്നാലെയാണ് നിരോധനാജ്ഞ പുറപ്പെടുവിച്ചത്.
ആളുകള് കൂട്ടം കൂടരുതെന്നും വീടുകളിലേക്കു മടങ്ങണമെന്നും പോലീസ് വാഹനങ്ങളില് അറിയിപ്പു നല്കി. കടകള് അടയ്ക്കാനും പോലീസ് ആവശ്യപ്പെട്ടു. ബാരാമുള്ളയിലും ശ്രീനഗറിലും തെരവില് പ്രതിഷേധങ്ങള് നടന്നതായി കഴിഞ്ഞ ദിവസം ആഭ്യന്തരമന്ത്രാലയ വക്താവ് അറിയിച്ചിരുന്നു. എന്നാല് ഇരുപതോളം പ്രതിഷേധക്കാര് മാത്രമാണ് ഉണ്ടായിരുന്നെന്നും പറയുന്നു.
ശ്രീനഗറില് പതിനായിരങ്ങള് പങ്കെടുത്ത പ്രതിഷേധ റാലി നടന്നനെന്ന വാര്ത്ത ആഭ്യന്തരമന്ത്രാലയം നിഷേധിച്ചു. വാര്ത്ത വാസ്തവ വിരുദ്ധമാണെന്ന് ആഭ്യന്തരമന്ത്രാലയം പറഞ്ഞു. സംസ്ഥാനത്ത് സ്ഥിതിഗതികള് ശാന്തമാണെന്നും ഒരിടത്തും അക്രമങ്ങള് അരങ്ങേറിയിട്ടില്ലെന്നും ജമ്മുകാഷ്മീര് പോലീസ് ട്വീറ്റ് ചെയ്തു.
https://www.facebook.com/Malayalivartha