കൈ അടിച്ചു ഭാരതം, പൊളിച്ചു.. നാല് പതിറ്റാണ്ടിനു ശേഷം കാശ്മീര് വിഷയം യു.എന് രക്ഷാ സമിതി ഇന്നലെ രാത്രി ചര്ച്ചയ്ക്കെടുത്തു, ഫ്രാന്സും ബ്രിട്ടനും കാശ്മീര് വിഷയത്തില് ഇന്ത്യക്കൊപ്പം
കാശ്മീര് വിഷയം യു.എന് രക്ഷാ സമിതി ഇന്നലെ രാത്രി ചര്ച്ചയ്ക്കെടുത്തു. നാല് പതിറ്റാണ്ടിനു ശേഷമാണ് ഈ വിഷയം യു.എന്നില് ചര്ച്ചയ്ക്കെത്തുന്നത്. കാശ്മീരിലെ നിലവിലെ സ്ഥിതിഗതികള് ചര്ച്ചചെയ്യണമെന്ന ചൈനയുടെ അഭ്യര്ത്ഥന പരിഗണിച്ചാണ് നടപടി. ചര്ച്ചയില് യു.എസ്, ബ്രിട്ടന്, ഫ്രാന്സ് എന്നീ രാജ്യങ്ങളുടെ നിലപാട് ഇന്ത്യയ്ക്ക് അനുകൂലമാണ്. ചൈന പാകിസ്ഥാനൊപ്പമാണ്.അതേസമയം, ഇരുരാജ്യങ്ങളും ഉഭയകക്ഷി ചര്ച്ചയിലൂടെ പ്രശ്നപരിഹാരം കാണണമെന്ന് റഷ്യ ആവശ്യപ്പെട്ടു. ചൈനയ്ക്ക് പുറമെ അമേരിക്കയുടെ കൂടെ പിന്തുണ ഉറപ്പാക്കാന് പാക് പ്രധാനമന്ത്രി ഇമ്രാന് ഖാന് ശ്രമിച്ചതായാണ് റിപ്പോര്ട്ട്. 20 മിനിട്ടോളം ട്രംപും ഇമ്രാനും ഫോണില് സംസാരിച്ചു. യുഎന് രക്ഷാസമിതി യോഗത്തിനിടെയാണ് പാക്ക് പ്രധാനമന്ത്രി ഇമ്രാന് ഖാന് യുഎസ് പ്രസിഡന്റ് !ഡോണള്ഡ് ട്രംപിനെ ഫോണില് വിളിച്ചു പിന്തുണ ആവശ്യപ്പെട്ടത്. പാക്കിസ്ഥാന് വിദേശകാര്യ മന്ത്രി ഷാ മഹമൂദ് ഖുറേഷിയും ഇക്കാര്യം സ്ഥിരീകരിച്ചു. ഫ്രഞ്ച് പ്രസിഡന്റ് ഉള്പ്പെടെ രക്ഷാസമിതിയിലെ നാലു രാഷ്ട്രങ്ങളുടെ തലവന്മാരെ ബന്ധപ്പെടാന് ശ്രമിച്ചതായും ഖുറേഷി പറഞ്ഞു. പക്ഷേ കശ്മീര് ഉഭയകക്ഷി വിഷയമാണെന്നു റഷ്യ നിലപാടെടുത്തു. എന്നാല് ഭരണഘടനയിലെ ആര്ട്ടിക്കിള് 370–മായി ബന്ധപ്പെട്ട വിഷയം ആഭ്യന്തര കാര്യമാണെന്ന് ഇന്ത്യ ചുട്ട മറുപടി നല്കി.
ആര്ട്ടിക്കിള് 370 റദ്ദാക്കിയതിനെ തുടര്ന്ന് ഏറ്റവും കൂടുതല് പരുങ്ങലിലായത് പാക്കിസ്ഥാന് ഭരണകൂടമാണ്. ഇതിനെ തുടര്ന്ന് പാക് വിദേശ കാര്യ മന്ത്രി ചൈനയില് എത്തി ഉന്നത പ്രതിനിധികളുമായി കൂടിക്കാഴ്ച നടത്തിയിരുന്നു. ഇതിന്റെ അടിസ്ഥാനത്തിലാണ് ചൈന യുഎന്നില് കത്ത് നല്കിയിരിക്കുന്നത്. എന്നാല് ഈ വിഷയം അന്താരാഷ്ട്ര ശ്രദ്ധയില് പെടുത്താന് ചൈന ശ്രമിച്ചെങ്കിലും റഷ്യ, യുഎഇ, ശ്രീലങ്ക തുടങ്ങി നിരവധി രാഷ്ട്രങ്ങള് ആഭ്യന്തര വിഷയം ആണെന്ന് അറിയിച്ച് ഇന്ത്യയെ അനുകൂലിക്കുകയാണ് ചെയ്തത്. ഇതോടെ ചൈനയും പാകിസ്ഥാനും തികച്ചും ഒറ്റപ്പെട്ടു. നയതന്ത്ര തലത്തില് നിര്ണ്ണായക വിജയമാണ് ഇന്ത്യക്കു നേടാന് കഴിഞ്ഞത്. ഐക്യരാഷ്ട്ര രക്ഷാസമിതി തര്ക്ക പ്രദേശമായി പ്രഖ്യാപിച്ച കശ്മീരില് ഇന്ത്യക്ക് എങ്ങിനെ ഏകപക്ഷീയ നിലപാട് എടുക്കാനാകുമെന്നാണ് ചൈനയുടെ ചോദ്യം. കശ്മീര് വിഷയം ഇന്ത്യയും പാകിസ്ഥാനും തമ്മിലുള്ള ഉഭയകക്ഷി ചര്ച്ചയിലൂടെ പരിഹരിക്കട്ടെയന്നെ നിലപാടിലാണ് യുഎന് രക്ഷാസമിതിയിലെ മറ്റ് സ്ഥിരാഗംങ്ങളായ ഫ്രാന്സ്, റഷ്യ, ബ്രിട്ടണ്, അമേരിക്ക എന്നീ രാജ്യങ്ങള്. ഇത് പാകിസ്ഥാനെ അക്ഷരാര്ത്ഥത്തില് വെട്ടിലാക്കി.
ആര്ട്ടിക്കിള് 370 സംബന്ധിച്ച വിഷയം ഇന്ത്യയുടെ ആഭ്യന്തര കാര്യമാണെന്നും ഭീകരത അവസാനിപ്പിച്ചാല് ചര്ച്ചയാകാമെന്നുമാണ് ഇന്ത്യയുടെ നിലപാട്. കാശ്മീരില് സമാധാനം ഉറപ്പാക്കേണ്ടത് ഇന്ത്യയുടെ ഉത്തരവാദിത്തമാണെന്നും ഇന്ത്യ യു.എന്നിനെ അറിയിച്ചു. പുറത്തുനിന്നുള്ള ഇടപെടല് വേണ്ടെന്ന് യു.എന് പ്രതിനിധി സയിദ് അക്ബറുദ്ദീനും വ്യക്തമാക്കി.കാശ്മീരിന്റെ പ്രത്യേക പദവി എടുത്ത് കളഞ്ഞ് കാശ്മീരിനെ രണ്ടായി വിഭജിക്കാനുള്ള ഇന്ത്യയുടെ തീരുമാനത്തില് രഹസ്യ ചര്ച്ച നടത്തണമെന്നാണ് യു.എന് രക്ഷാ സമിതിയോട് ചൈന ആവശ്യപ്പെട്ടിരുന്നത്. കാശ്മീര് വിഷയം ചര്ച്ച ചെയ്യാന് രക്ഷാസമിതി അടിയന്തര യോഗം വിളിക്കണമെന്നാവശ്യപ്പെട്ട് രക്ഷാസമിതിയുടെ അദ്ധ്യക്ഷസ്ഥാനം വഹിക്കുന്ന പോളണ്ടിനും സമിതിയിലെ മറ്റ് അംഗങ്ങള്ക്കും പാക് വിദേശകാര്യമന്ത്രി ഷാ മുഹമ്മദും കത്തയിച്ചിരുന്നു.
പാകിസ്ഥാന് സംഘര്ഷം ആഗ്രഹിക്കുന്നില്ലെന്നും ക്ഷമയെ ഇന്ത്യ ബലഹീനതയായി കാണരുതെന്നുമായിരുന്നു കത്തിലെ പരാമര്ശം. ഇതിന് പിന്നാലെയാണ് പാകിസ്ഥാന്റെ കത്ത് പരാമര്ശിച്ച് ചൈന രംഗത്തെത്തിയത്.
https://www.facebook.com/Malayalivartha
