നിറഞ്ഞ കയ്യടി... കാശ്മീരിന്റെ പ്രത്യേക പദവി എടുത്ത് കളഞ്ഞതിന് ശേഷം മോദി പാക്ക് വ്യോമ പാതയിലൂടെ സഞ്ചരിച്ചു; ഉഭയകക്ഷി ചര്ച്ചയ്ക്കായി ഫ്രാന്സിലേക്കുള്ള യാത്ര നടത്തിയത് പാക് പാതയിലൂടെ; പ്രധാനമന്ത്രിക്കായി ഒരുക്കിയത് അതീവ സുരക്ഷ
കാശ്മീരിന്റെ പ്രത്യേക പദവി എടുത്ത് കളഞ്ഞ ശേഷം അതിര്ത്തി വല്ലാതെ പുകയുകയാണ്. പാകിസ്ഥാന് അതിര്ത്തിയില് സൈനിക ബലം കൂട്ടിയതോടെ ഇന്ത്യയും തക്ക മറുപടി നല്കാന് ഒരുങ്ങിക്കഴിഞ്ഞു. ഒരു യുദ്ധത്തിന്റെ പ്രതീതിയാണ് അതിര്ത്തി ഗ്രാമങ്ങളില് ഉണ്ടായിരിക്കുന്നത്. അതേസമയം ബലാക്കോട്ട് വ്യോമാക്രമണത്തിന് ശേഷം ആദ്യമായി പ്രധാനമന്ത്രി നരേന്ദ്ര മോഡി പാക്കിസ്ഥാന് വ്യോമപാതയിലൂടെ പറന്നു. ഉഭയകക്ഷി ചര്ച്ചയ്ക്കായി ഫ്രാന്സിലേക്കുള്ള യാത്രയ്ക്കാണ് വ്യാഴാഴ്ച പ്രധാനമന്ത്രി പാക് വ്യോമപാതയിലൂടെ സഞ്ചരിച്ചത്.
കഴിഞ്ഞ ഫെബ്രുവരി 26ന് നടന്ന ബലാക്കോട്ട് വ്യോമാക്രമണത്തിന് ശേഷം ഈ വ്യോമപാതയിലൂടെയുള്ള ഗതാഗതം നിര്ത്തിവച്ചിരുന്നു. ഫെബ്രുവരി 14ന് പുല്വാമയില് നടന്ന ഭീകരാക്രമണത്തില് 40 സി.ആര്.പി.എഫ് ജവാര് കൊല്ലപ്പെട്ടിരുന്നു. ഇതിന് തിരിച്ചടിയായാണ് വ്യോമസേന പാക്കിസ്ഥാനിലെ ബലാക്കോട്ടിലെ ഭീകരവാദികളുടെ ക്യാമ്പുകള്ക്ക് നേരെ ആക്രമണം നടത്തിയത്.
ഫ്രാന്സ്, യു.എ.ഇസ ബഹ്റൈന് എന്നീ രാജ്യങ്ങളിലാണ് പ്രധാനമന്ത്രി സന്ദര്ശനം നടത്തുക. ഫ്രാന്സിലെത്തുന്ന മോഡി പ്രസിഡന്റ് ഇമ്മാനുവല് മാര്കോണുമായി വിവിധ വിഷയങ്ങളില് ചര്ച്ച നടത്തും. ഫ്രാന്സിലെ ഇന്ത്യന് സമൂഹത്തേയും മോഡി അഭിസംബോധന ചെയ്യും.
മൂന്ന് ദിവസത്തെ ഗള്ഫ് പര്യടനത്തിന്റെ ഭാഗമായി പ്രധാനമന്ത്രി നരേന്ദ്ര മോദി ഇന്ന് രാത്രി യു.എ.ഇയിലെത്തും. നാളെ യു.എ.ഇയുടെ പരമോന്നത ബഹുമതിയായ ഓര്ഡര് ഓഫ് സായിദ് ഏറ്റുവാങ്ങിയ ശേഷം മോദി ബഹ്റൈനിലേക്ക് തിരിക്കും.
ഇന്ന് രാത്രി അബൂദബിയില് എത്തുന്ന പ്രധാനമന്ത്രിക്ക് നാളെയാണ് ഔദ്യോഗിക പരിപാടികളുള്ളത്. യു.എ.ഇ ഉപസര്വ സൈന്യാധിപനും അബൂദബി കിരീടാവകാശിയുമായ ശൈഖ് മുഹമ്മദ് ബിന് സായിദ് ആല്നഹ്യാനുമായുള്ള കൂടിക്കാഴ്ചയാണ് ആദ്യം. തുടര്ന്ന് യു.എ.ഇയുടെ പരമോന്നത ബഹുമതിയായ ഓര്ഡര് ഓഫ് സായിദ് ഏറ്റുവാങ്ങും. ആദരസൂചകമായി കൊട്ടാരത്തില് നടക്കുന്ന വിരുന്നിലും പ്രധാനമന്ത്രി പങ്കെടുക്കും.
മഹാത്മാ ഗാന്ധിയുടെ 150 ജ•വാര്ഷികത്തിന്റെ ഭാഗമായുള്ള സ്റ്റാമ്പ് നരേന്ദ്ര മോദി പുറത്തിറക്കും. ഇന്ത്യന് ഡിജിറ്റല് പേമന്റ് സംവിധാനമായ റൂപേയുടെ ഗള്ഫിലെ പ്രവര്ത്തനങ്ങള്ക്ക് പ്രധാനമന്ത്രി തുടക്കം കുറിക്കുമെന്നാണ് റിപ്പോര്ട്ടുകള്. തുടര്ന്ന് ബഹ്റൈനിലേക്ക് തിരിക്കും. ആദ്യമായാണ് ഒരു ഇന്ത്യന് പ്രധാനമന്ത്രി ബഹ്റൈന് സന്ദര്ശിക്കുന്നത്.
മോദിയുടെ സന്ദര്ശനം ഇരുരാജ്യങ്ങളും തമ്മിലുള്ള ഊഷ്മള സൗഹൃദവും സാമൂഹിക-സാംസ്കാരിക ബന്ധവും ഊട്ടിയുറപ്പിക്കുമെന്നു ലുലു ഗ്രൂപ്പ് ചെയര്മാന് എം.എ യൂസഫലി വ്യക്തമാക്കി. യുഎഇ പരമോന്നത ബഹുമതിയായ സായിദ് മെഡല് ഇന്ത്യന് പ്രധാനമന്ത്രി ഏറ്റുവാങ്ങുന്നത് യുഎഇയിലെ മുഴുവന് ഇന്ത്യക്കാര്ക്കുമുള്ള ബഹുമതിയാണ്. ഈ സന്ദര്ശനം ചരിത്രമാകും. എണ്ണ മേഖലയിലും വ്യാപാര വ്യവസായ രംഗത്തും അടിസ്ഥാന സൗകര്യ വികസനം മുതല് വിനോദ സഞ്ചാര, വ്യോമയാന മേഖല വരെയുള്ള യുഎഇ- ഇന്ത്യ ബന്ധത്തിന്റെ സുവര്ണ കാലഘട്ടമാണിത്. അഞ്ച് ട്രില്യണ് സമ്പദ് വ്യവസ്ഥയിലേക്ക് ഇന്ത്യ നീങ്ങുമ്പോള് യുഎഇയ്ക്ക് സുപ്രധാന പങ്കുവഹിക്കാന് കഴിയുമെന്നും അദ്ദേഹം പറഞ്ഞു.
https://www.facebook.com/Malayalivartha
