കശ്മീരിലെ നിയന്ത്രണങ്ങളെ ന്യായീകരിച്ച് ഗവര്ണര് സത്യപാല് മലിക്... ആളുകള് മരിക്കുന്നതിനെക്കാള് ഭേദമാണ് നിയന്ത്രണങ്ങള്
ആര്ട്ടിക്കിള് 370 റദ്ദാക്കിയതിന് ശേഷം കശ്മീരില് വാര്ത്താവിനിമയ സംവിധാനങ്ങളും ഇന്റര്നെറ്റും ഇല്ലാതാക്കിയിരുന്നു. ഈ നിയന്ത്രണങ്ങ നടപടികളെ ന്യായീകരിച്ചിരിക്കുകയാണ് ഗവര്ണര് സത്യപാല് മലിക്. ആളുകള് മരിക്കുന്നതിനെക്കാള് നല്ലതാണ് വാര്ത്താവിനിമയ സംവിധാനങ്ങളുടെ നിയന്ത്രണം.
നിയന്ത്രണങ്ങള് ഏര്പ്പെടുത്തിയ ശേഷം ഒരാള് പോലും കശ്മീരില് മരിച്ചിട്ടില്ല. ആര്ക്കും ജീവഹാനിയുണ്ടാകരുതെന്നാണ് തങ്ങളുടെ നിലപാടെന്നും ഗവര്ണര് പറഞ്ഞു. അന്തരിച്ച മുന് കേന്ദ്രമന്ത്രി അരുണ് ജെയ്റ്റ്ലിയുടെ സംസ്കാര ചടങ്ങില് പങ്കെടുക്കാന് ഡല്ഹിയില് എത്തിയതായിരുന്നു ഗവര്ണര്.
ആര്ട്ടിക്കിള് 370 റദ്ദാക്കിയതിന് ശേഷം കശ്മീരില് പ്രതിഷേധങ്ങള് തടയുന്നതിന്റെ ഭാഗമായാണ് നിയന്ത്രണം ഏര്പ്പെടുത്തിയത്. മൂന്ന് ആഴ്ചയോളമായി ഈ സാഹചര്യം തുടരുകയാണ്. കശ്മീരില് അവശ്യവസ്തുക്കള്ക്കോ മരുന്നുകള്ക്കോ ക്ഷാമം ഇല്ലെന്നും ഗവര്ണര് പറഞ്ഞു. ഈദ് ദിവസം ഇറച്ചിയും പച്ചക്കറികളും വീടുകളില് വിതരണം ചെയ്തിരുന്നു. മറ്റ് നിയന്ത്രണങ്ങള് നീക്കി സാഹചര്യങ്ങള് ഉടന് പൂര്വസ്ഥിതിയിലാക്കുമെന്നും ഗവര്ണര് പറഞ്ഞു.
https://www.facebook.com/Malayalivartha
