എയര് ഇന്ത്യയുടെ എല്ലാ വിമാനങ്ങളിലും ഒക്ടോബര് രണ്ട് മുതല് പ്ലാസ്റ്റിക്കിന് നിരോധനം
എയര് ഇന്ത്യയില് ഒക്ടോബര് രണ്ട് മുതല് ഇനി പ്ലാസ്റ്റിക് ഉപയോഗിക്കാന് കഴിയില്ല. വിമാനയാത്രക്കാര്ക്ക് വിതരണം ചെയ്യുന്ന പ്ലാസ്റ്റിക് സഞ്ചി, കപ്പുകള്, സ്ട്രോ, പാത്രം, കുപ്പികള്, എന്നിവയാണ് ഒക്ടോബര് രണ്ട് മുതല് പൂര്ണമായും ഒഴിവാക്കുന്നത്. ആദ്യഘട്ടത്തില് എയര്ഇന്ത്യ എക്സ്പ്രസ്, അലൈന്സ് വിമാനങ്ങളിലായിരിക്കും നിരോധനം ഏര്പ്പെടുത്തുക. രണ്ടാംഘട്ടത്തില് എയര്ഇന്ത്യയുടെ എല്ലാ വിമാനങ്ങളിലും ഇത് ബാധകമാക്കും.
പ്ലാസ്റ്റിക് പാത്രങ്ങള്ക്ക് പകരം ഭാരംകുറഞ്ഞ സ്റ്റീല് പാത്രങ്ങളിലായിരിക്കും ഭക്ഷണം വിളമ്പുക . കഴിക്കാന് തടികൊണ്ട് നിര്മ്മിച്ച സ്പൂണുകളും നല്കും. 200 മില്ലിയുടെ കുടിവെള്ളം നിര്ത്തലാക്കും. എക്കണോമി ക്ലാസില് യാത്ര ചെയ്യുന്നവര്ക്ക് കുടിവെള്ളം പേപ്പര് കപ്പുകളില് നല്കും. പ്ലാസ്റ്റിക് ചായക്കപ്പുകള്ക്ക് പകരം പേപ്പര് കപ്പുകള് ഉപയോഗിക്കും. പ്ലാസ്റ്റിക് കവറുകളില് വിതരണം ചെയ്യുന്ന സാന്ഡ്വിച്ച് ഉള്പ്പെടെയുള്ള പലഹാരങ്ങള് ഇനി ബട്ടര് പേപ്പറില് പൊതിഞ്ഞാകും ലഭിക്കുക.
https://www.facebook.com/Malayalivartha