സൗത്ത്-ഈസ്റ്റ് ഡല്‍ഹിയിലെ ഒക്ലയില്‍ തിങ്കളാഴ്ച്ച വൈകുന്നേരം യുവതിയുടെ മൊബൈല്‍ ഫോണ്‍ പിടിച്ചുപറിക്കപ്പെട്ടു.

ജെകെ 24*7 ന്യൂസ് മാധ്യമപ്രവര്‍ത്തക രാധികയുടെ ഫോണാണ് നഷ്ടപ്പെട്ടത്.

ഗോവിന്ദ്പുരി സ്വദേശിയായ യുവതി വീട്ടിലേക്ക് പോകുമ്പോള്‍ പിന്നാലെ ബൈക്കിലെത്തിയ സംഘം ഫോണ്‍ കവരുകയായിരുന്നു.

ഒക്ലയിലെ ഡബ്ല്യു ബ്ലോക്കില്‍ വച്ചായിരുന്നു ഫോണ്‍ പിടിച്ചുപറി നടന്നത്. യുവതി ഇവരെ പിന്തുടര്‍ന്നെങ്കിലും പിടികൂടാനായില്ല.

സ്ഥലത്തെ സിസിടിവി ദൃശ്യങ്ങള്‍ ശേഖരിച്ചിട്ടുണ്ടെന്നും അന്വേഷണം പുരോഗമിക്കുകയാണെന്നും പോലീസ് അറിയിച്ചു.