കൊല്‍ക്കത്ത നഗരത്തില്‍ 'നോട്ടുമഴ സ്വപ്നമല്ല മറിച്ച് നടന്നതാണ്. നഗരത്തിലെ പ്രമുഖ വാണിജ്യ കേന്ദ്രത്തില്‍ നിന്നും നോട്ടുകെട്ടുകള്‍ താഴേക്ക് വീഴുകയായിരുന്നു. കൊല്‍ക്കത്തയിലുള്ള ബെന്‍റ്റിക് സ്ട്രീറ്റിലെ കെട്ടിടത്തിന്‍റെ ആറാമത്തെ നിലയില്‍ നിന്നുമായിരുന്നു 2000, 100 രൂപയുടെ നോട്ടുകള്‍ താഴേക്ക് പറന്നത്. ഇതിന്‍റെ വീഡിയോ സാമൂഹിക മാധ്യമങ്ങളില്‍ പ്രചരിച്ച് കഴിഞ്ഞു.

ആദായ നികുതി വകുപ്പ് കെട്ടിടത്തില്‍ പരിശോധനക്കെത്തിയപ്പോഴാരുന്നു സംഭവം. ദൃക്സാക്ഷികളാണ് ഈ കാര്യം അറിയിച്ചത്. കെട്ടിടത്തിലെ ചില സ്ഥാപനങ്ങള്‍ പരിശോധിച്ചെന്നും നോട്ടുകെട്ടുകള്‍ താഴേക്ക് വീണ സംഭവത്തിൽ പരിശോധനയുമായി ബന്ധമുള്ളതായി തോന്നുന്നില്ലെന്നും ആദായ നികുതി വകുപ്പ് ഉദ്യോഗസ്ഥര്‍ അറിയിക്കുകയുണ്ടായി.