നയം വ്യക്തമാക്കി രാജ്നാഥ് സിംഗ് , രാജ്യവ്യാപകമായി പൗരത്വ രജിസ്റ്റർ നടപ്പാക്കണം..!
പൗരത്വ ഭേദഗതി നിയമത്തിനെതിെര രാജ്യമെങ്ങും പ്രതിഷേധം ശക്തമാകുകയാണ്. എന്നാൽ പൗരത്വ രജിസ്റ്റർ രാജ്യവ്യാപകമായി നടപ്പാക്കണമെന്ന് ആവശ്യപ്പെട്ട് പ്രതിരോധ മന്ത്രി രാജ്നാഥ് സിങ് രംഗത്ത് എത്തിയിരിക്കുകയാണ്. പൗരത്വ രജിസ്റ്റർ അനിവാര്യമാണ്. ഈ പ്രവർത്തനത്തിൽ നിന്നും സർക്കാറിനെ പിന്തിരിപ്പിക്കാൻ ആർക്കും കഴിയില്ല എന്നാണ് അദ്ദേഹം പറയുന്നത് . രാജ്യത്ത് കഴിയുന്ന സ്വദേശികളെയും വിദേശികളെയും തിരിച്ചറിയേണ്ടതുണ്ടെന്നും അദ്ദേഹം ഝാർഖണ്ഡിൽ നടത്തിയ തെരഞ്ഞെടുപ്പ് റാലിയിൽ വ്യക്തമാക്കി.
പൗരത്വ നിയമം, ആർടിക്ൾ 370 റദ്ദാക്കൽ, രാമക്ഷേത്ര നിർമാണം തുടങ്ങി മോദി സർക്കാർ കൈവരിച്ച നേട്ടങ്ങൾ സ്വർണ ലിപികളാൽ എഴുതണം. നിയമപരമായ രീതിയിൽ തന്നെ സർക്കാർ അയോധ്യയിൽ രാമക്ഷേത്രം നിർമ്മിക്കും. എന്നാൽ വിഷയത്തിൽ രാഷ്ട്രീയം കലർത്താനാണ് പ്രതിപക്ഷം ശ്രമിക്കുന്നത്. അവർ ഈ വിഷയത്തെ മുസ്ലിം-ഹിന്ദു പ്രശ്നം മാത്രമായാണ് കാണുന്നതെന്നും രാജ്നാഥ് സിങ് കുറ്റപ്പെടുത്തി.
https://www.facebook.com/Malayalivartha