ജാമിയ മില്ലിയ സര്വകലാശാലയിലെ പോലീസ് നടപടിയില് പ്രതിഷേധിച്ച് രാജ്യതലസ്ഥാനത്ത് വിദ്യാര്ഥികളുടെ പ്രതിഷേധം ശക്തം.... കസ്റ്റഡിയിലെടുത്ത വിദ്യാര്ത്ഥികളെ വിട്ടയച്ചു
ജാമിയ മില്ലിയ സര്വകലാശാലയിലെ പോലീസ് നടപടിയില് പ്രതിഷേധിച്ച് രാജ്യതലസ്ഥാനത്ത് വിദ്യാര്ഥികളുടെ പ്രതിഷേധം ശക്തമായതിനു പിന്നാലെ സര്വകലാശാലയില് നിന്ന് കസ്റ്റഡിയിലെടുത്ത വിദ്യാര്ഥികളെ വിട്ടയച്ചു. 67 വിദ്യാര്ഥികളെയാണ് വിട്ടയച്ചത്. ഡല്ഹി പോലീസ് പിആര്ഒ എംഎസ് രണ്ധവയാണ് ഇത് സംബന്ധിച്ച വിവരം മാധ്യമങ്ങളെ അറിയിച്ചത്.വിദ്യാര്ഥികളെ വിട്ടയച്ചതിനു പിന്നാലെ ഡല്ഹി പോലീസ് ആസ്ഥാനത്ത് നടത്തിവന്ന പ്രതിഷേധം അവസാനിപ്പിക്കുകയും ചെയ്തു.
ജാമിയ മില്ലിയ സര്വകലാശാലയിലെ വിദ്യാര്ഥികള്ക്കൊപ്പം ജെഎന്യുവിലെയും ഡല്ഹി സര്വകലാശാലയിലെയും നൂറുകണക്കിന് വിദ്യാര്ഥികളാണ് ഡല്ഹി പോലീസ് ആസ്ഥാനത്ത് പ്രതിഷേധവുമായി എത്തിയിരുന്നത്. റോഡ് ഉപരോധിച്ചായിരുന്നു വിദ്യാര്ഥികളുടെ പ്രതിഷേധം. ഞായറാഴ്ച വൈകുന്നേരം ജാമിയ മില്ലിയ സര്വകലാശാലയ്ക്കു നേരെ പോലീസ് വെടിയുതിര്ത്തിരുന്നു. ജാമിയ നഗറില് നടക്കുന്ന പ്രക്ഷോഭത്തിനിടെ മൂന്നു ബസുകള്ക്കു തീയിട്ടതോടെയാണു പോലീസ് വെടിയുതിര്ത്തത്.
https://www.facebook.com/Malayalivartha