അശ്ലീല വീഡിയോ കാണിച്ച് ആറാം ക്ലാസുകാരിയെ അധ്യാപകരും സുഹൃത്തുക്കളും ചേര്ന്ന് പീഡിപ്പിച്ചു
അശ്ലീല വീഡിയോ കാണിച്ച് ആറാം ക്ലാസുകാരിയായ പെണ്കുട്ടിയെ പീഡിപ്പിച്ചത് അധ്യാപകര് അടക്കം അഞ്ചുപേര് പിടിയില്. പിടിയിലാവര്ക്കെതിരെ പോക്സോ വകുപ്പ് പ്രകാരം കേസെടുത്തു. മഹാരാഷ്ട്രയിലെ നന്ദെഡ് ജില്ലയിലാണ് സംഭവം. സാംസ്കാരിക പരിപാടിയുടെ വീഡിയോ കാണിക്കാനാണെന്ന് പറഞ്ഞാണ് അധ്യാപകരും കൂട്ടുകാരും പെണ്കുട്ടിയെ ആളൊഴിഞ്ഞ ക്ലാസ് മുറിയിലേക്ക് കൊണ്ടുപോയത്. തുടര്ന്നാണ് അശ്ലീല വീഡിയോ കാണിച്ച് പെണ്കുട്ടിയെ പീഡനത്തിനിരയാക്കിയത്. സ്കൂള് സമയം കഴിഞ്ഞിട്ടും കുട്ടിയെ കാണാതായതോടെ മാതാപിതാക്കളും ബന്ധുക്കളും തെരച്ചില് ആരംഭിച്ചു. തിരിച്ചിലില് മാതാപിതാക്കളാണ് കുട്ടിയെ കണ്ടെത്തിയത്. ബോധരഹിതയായി കിടന്ന കുട്ടിക്ക് പ്രാഥമിക ചികിത്സകള് നല്കിയതോടെ കുട്ടി കാര്യങ്ങള് അമ്മയോട് പറഞ്ഞു. പെണ്കുട്ടിയുടെ അമ്മ ആദ്യം പ്രധാനാധ്യപകനോട് പരാതിപ്പെട്ടു. എന്നാല്, പൊലീസില് പരാതിപ്പെടാന് പ്രധാനാധ്യാപാകന് വിസ്സമ്മതിച്ചു. അമ്മയോട് പൊലീസില് പരാതിപ്പെടില്ലെന്ന് പ്രതിജ്ഞയെടുപ്പിച്ചാണ് പ്രധാനാധ്യാപകന് വിട്ടതെന്ന് പൊലീസ് പറഞ്ഞു. എന്നാല്, സംഭവം പൊലീസ് അറിഞ്ഞ് നേരിട്ടെത്തി മാതാപിതാക്കളില് നിന്ന് മൊഴിയെടുക്കുകയും പരാതി എഴുതി വാങ്ങുകയും ചെയ്യുകയായിരുന്നു.
https://www.facebook.com/Malayalivartha