വര്ഗ്ഗീയ കലാപശ്രമം; രാജ്യത്തെ ജനങ്ങള്ക്കിടയില് മതസ്പര്ദ്ധയുണ്ടാക്കാനും വിഘടിപ്പിക്കാനും ശ്രമം മുന് ജെഎന്യു വിദ്യാര്ത്ഥി ഷര്ജീല് ഇമാം ശ്രമിച്ചിരുന്നതായി പോലീസ്
രാജ്യത്തെ ജനങ്ങള്ക്കിടയില് മതസ്പര്ദ്ധയുണ്ടാക്കാനും വിഘടിപ്പിക്കാനും ശ്രമം മുന് ജെഎന്യു വിദ്യാര്ത്ഥി ഷര്ജീല് ഇമാം ശ്രമിച്ചിരുന്നതായി പോലീസ്. നിലവില് രാജ്യദ്രോഹക്കുറ്റത്തിന് അറസ്റ്റിലാണ് ഷര്ജീല്. പോലീസ് നടത്തിയ തെരച്ചിലില് ഷര്ജീലിന്റെ ലാപ്ടോപ്പില് നിന്നും മറ്റും ഇതുമായി ബന്ധപ്പെട്ട ലഘുലേഖകളും കണ്ടെത്തിയിട്ടുണ്ട്.
പൗരത്വ ഭേദഗതി നിയമത്തെ മറയാക്കി ദല്ഹിയില് വന്തോതില് കലാപങ്ങള് സൃഷ്ടിക്കണമെന്ന് ലഘുലേഖയില് പറയുന്നു. ഇതിലൂടെ അന്താരാഷട്ര ശ്രദ്ധ പിടിച്ചു പറ്റാന് സാധിക്കുമെന്നും ലഘുലേഖയില് വ്യക്തമാക്കുന്നു. പൗരത്വ ഭേദഗതി നിയമം എന്ആര്സി എന്നിവയെക്കുറിച്ച് തെറ്റായതും മതസ്പര്ദ്ധ വളര്ത്തുന്നതുമായ ലഘുലേഖ ഇമാം തയ്യാറാക്കിയിട്ടുണ്ടെന്ന് ദല്ഹി പോലീസ് നേരത്തെ അറിയിച്ചിരുന്നു. ഇതിന്റെ പകര്പ്പുകളാണ് ഷര്ജീല് ഇമാമിന്റെ ലാപ്ടോപ്പില് നിന്നും കണ്ടെത്തിയിരിക്കുന്നത്.
മതസ്പര്ദ്ധ വളര്ത്തുന്ന വിധത്തിലുള്ള ലഘുലേഖകള് ഇയാള് പള്ളികളില് വിതരണം ചെയ്തതായും കണ്ടെത്തിയിട്ടുണ്ട്. ദല്ഹിയെ സ്തംഭിപ്പിക്കാന് ആയിരക്കണക്കിന് മുസ്ലിംയുവാക്കള് തയ്യാറാണ്. അതുവഴി ലോകമാധ്യമ ശ്രദ്ധ ഇന്ത്യയിലേക്ക് എത്തിക്കാന് തങ്ങള്ക്ക് സാധിക്കുമെന്നും ഈ ലഘുലേഖയില് പറയുന്നുണ്ട്.
കൂടാതെ പൗരത്വ നിയമ ഭേദഗതിക്കെതിരെ കലാപണ്ടാക്കാന് ജാമിയ മിലിയയില് ഒത്തുകൂടാന് ഷര്ജീല് ആഹ്വാനം ചെയ്യുന്നതിന്റെ തെളിവുകളും പോലീസിന് ലഭിച്ചിട്ടുണ്ട്. നിയമം ഭരണഘടനാ വിരുദ്ധമാണ്. ഇന്ത്യയിലെ മുസ്ലിങ്ങളെ വിഘടിപ്പിക്കാനും തടങ്കല് പാളയങ്ങളില് പാര്പ്പിക്കാനുമാണ് ഇതെന്നും ഇയാള് ജനങ്ങളില് തെറ്റിദ്ധാരണയുണ്ടാക്കാനും ശ്രമം നടത്തുന്നുണ്ട്.
ആദ്യം കശ്മീര്, പിന്നെ ബാബറി മസ്ജിദ്, ഇപ്പോള് സിഎഎ ഇതെല്ലാം ഇന്ത്യയിലെ മുസ്ലിങ്ങള്ക്ക് എതിരാണെന്നും ഇയാള് പള്ളികള് കേന്ദ്രീകരിച്ച് പ്രചരിപ്പിക്കാനും ശ്രമം നടത്തിയിട്ടുണ്ട്.
ഡിസംബര് 14 ന് ലഘുലേഖ അച്ചടിച്ച് പള്ളികളില് വിതരണം ചെയ്തതായും ഡിസംബര് 15 ന് ജാമിയ കാമ്പസിലും പുറത്തും അക്രമങ്ങള് നടന്നതായും പോലീസ് വ്യക്തമാക്കി. അതേസമയം രാജ്യദ്രോഹക്കേസില് അറസ്റ്റിലായ ഷര്ജീല് ഇമാമിനെ കോടതി അഞ്ച് ദിവസത്തേക്ക് പോലീസ് കസ്റ്റഡിയില് വിട്ടു.
സുരക്ഷപ്രശ്നത്തെ തുടര്ന്ന് ചീഫ് മെട്രോപോളിറ്റണ് മജിസ്ട്രേറ്റ് പുരുഷോത്തം പട്നായിക്കിന്റെ വസതിയിലാണ് ഷര്ജീലിനെ ഹാജരാക്കിയത്. പട്യാല ഹൗസ് കോടതിയില് ഷര്ജീലിനെ ഹാജരാക്കാന് പോലീസ് ശ്രമിച്ചതോടെ കോടതി പരിസരത്ത് സംഘര്ഷം ഉടലെടുത്തിരുന്നു. ഇതേത്തുടര്ന്നാണ് മജിസ്ട്രേറ്റിന്റെ വസതിയില് ഹാജരാക്കിയത്.
https://www.facebook.com/Malayalivartha
