ജാമിഅ മില്ലിയ യൂനിവേഴ്സിറ്റിയിലെ ലൈബ്രറിയില്വെച്ച് വിദ്യാര്ഥികളെ പൊലീസ് ക്രൂരമായി മര്ദിക്കുന്നതിന്റെ ദൃശ്യങ്ങള് പുറത്ത്... യൂണിവേഴ്സിറ്റിയുടെ പഴയ വായന ഹാളിലിരുന്ന വിദ്യാര്ഥികള്ക്കാണ് പൊലീസിന്റെ മര്ദനമേറ്റത്
ജാമിഅ മില്ലിയ യൂനിവേഴ്സിറ്റിയിലെ ലൈബ്രറിയില്വെച്ച് വിദ്യാര്ഥികളെ പൊലീസ് ക്രൂരമായി മര്ദിക്കുന്നതിന്റെ ദൃശ്യങ്ങള് പുറത്ത്. ജാമിഅ മില്ലിയ സര്വകലാശാല കോ.ഓര്ഡിനേഷന് കമ്മിറ്റിയാണ് ദൃശ്യങ്ങള് പുറത്ത് വിട്ടത്. പൗരത്വ ഭേദഗതി നിയമത്തിനെതിരായ സമരങ്ങള്ക്കിടെ ഡിസംബര് 15നാണ് യൂണിവേഴ്സിറ്റിയില് പൊലീസ് വിദ്യാര്ഥികളെ മര്ദിച്ചത്. 49 സെക്കന്ഡ് ദൈര്ഘ്യമുള്ള ദൃശ്യങ്ങള് പുറത്ത് വന്നിരിക്കുന്നത്.
യൂണിവേഴ്സിറ്റിയുടെ പഴയ വായന ഹാളിലിരുന്ന വിദ്യാര്ഥികള്ക്കാണ് പൊലീസിന്റെ മര്ദനമേറ്റത്. പൊലീസില് നിന്ന് രക്ഷനേടാന് വിദ്യാര്ഥികള് ഓടി മാറുന്നതും ദൃശ്യങ്ങളില് കാണാം. ഡിസംബര് 15നാണ് സി.എ.എക്കെതിരായ പ്രതിഷേധത്തിനിടെ ജാമിഅ യൂനിവേഴ്സിറ്റിയില് സംഘര്ഷമുണ്ടായത്.
സംഘര്ഷത്തിനിടെ പൊലീസ് യൂനിവേഴ്സിറ്റിയില് നിര്ത്തിയിട്ടിരുന്ന വാഹനങ്ങള് തകര്ക്കുകയും കത്തിക്കുകയും ചെയ്തിരുന്നു. ഈ സംഭവത്തിന്റെ കൂടുതല് വിവരങ്ങളാണ് ജാമിഅ കോ.ഓര്ഡിനേഷന് കമ്മിറ്റി ഇപ്പോള് പുറത്ത് വിട്ടിരിക്കുന്നത്.
https://www.facebook.com/Malayalivartha
