സമാജ്‌വാദി പാര്‍ട്ടി അധ്യക്ഷന്‍ മുലായം സിംഗ് യാദവിന് പന്നിപ്പനി. പന്നിപ്പനിയെ തുടര്‍ന്ന് അദ്ദേഹത്തെ ആശുപത്രിയില്‍ പ്രവേശിപ്പിച്ചു. എഴുപത്തിയഞ്ചുകാരനായ മുലായത്തിന് കടുത്ത ശ്വാസതടസവും ദേഹാസ്വാസ്ഥ്യവും അനുഭവപ്പെട്ടതിനെത്തുടര്‍ന്ന് അദ്ദേഹത്തെ കഴിഞ്ഞ ദിവസമാണ് ആശുപത്രിയില്‍ പ്രവേശിപ്പിച്ചത്. പന്നിപ്പനിയുടെ ലക്ഷണങ്ങള്‍ കണ്ടെത്തിയതിനാല്‍ സാമ്പിളുകള്‍ പരിശോധനയ്ക്ക്് അയച്ചതായി ബന്ധുക്കള്‍ പറഞ്ഞു.

റിപ്പോര്‍ട്ടുകള്‍ വന്നതിനു ശേഷമേ രോഗം സ്ഥിരീകരിക്കാനാവൂ എന്ന് മുതിര്‍ന്ന ഡോക്ടര്‍മാര്‍ അറിയിച്ചു. ഡോ. നരേഷ് ട്രെഹാന്റെ നേതൃത്വത്തിലുള്ള സംഘത്തിന്റെ മേല്‍നോട്ടത്തിലാണ് ചികിത്സ നടക്കുന്നത്. അദ്ദേഹത്തിന് വിശ്രമം ആവശ്യമാണെന്നും പരിഭ്രമിക്കേണ്ട ആവശ്യമില്ലെന്നും പാര്‍ട്ടി വക്താവ് രാജേന്ദ്ര ചൗധരി ലക്‌നൗവില്‍ അറിയിച്ചു. ഈ ആഴ്ച ആദ്യം മുലായം സിംഗ് യാദവിനെ ലക്‌നൗ സഞ്ജയ് ഗാന്ധി പോസ്റ്റ് ഗ്രാജുവേറ്റ് ഇന്‍സ്റ്റിറ്റിയൂട്ട് ഒഫ് മെഡിക്കല്‍ സയന്‍സസില്‍ പ്രവേശിപ്പിച്ചിരുന്നു. ഏതാനു പരിശോധനകള്‍ക്കു ശേഷം അടുത്ത ദിവസം ഡിസ്ചാര്‍ജ് ചെയ്യുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha