ഈ ടണ് ടണാ ടണ് വര്ത്തമാനം സര്ക്കാര് അല്പ്പംകുറയ്ക്കേണ്ട സമയമായിരിക്കുന്നു; കേന്ദ്ര സർക്കാരിനെ വിമർശിച്ച് ശശി തരൂർ
കേന്ദ്ര സര്ക്കാരിനെ കണക്കിന് പരിഹസിച്ച് കോണ്ഗ്രസ് എം.പി ശശി തരൂര് രംഗത്ത്. ട്വിറ്ററിലൂടെയാണ് തരൂര് കേന്ദ്രത്തിനെ പരിഹസിച്ചിരിക്കുന്നത്. ശശി തരൂരിന്റെ ട്വീറ്റ് ഇങ്ങനെയായിരുന്നു. 'എന്തുകൊണ്ടാണ് നമ്മുടെ സര്ക്കാര് ടണ്-മന്-ധന് എന്നിവയോട് ഇത്രമേല് ആവേശം കാണിക്കുന്നത്? ആദ്യം അഞ്ചു മില്യണ് ടണ് സമ്ബദ് വ്യവസ്ഥയെന്ന ആഭ്യന്തരമന്ത്രിയുടെ പരാമര്ശമായിരുന്നു. പിന്നെ ഉത്തര് പ്രദേശില് നിന്നും 3350 ടണ് സ്വര്ണശേഖരം കണ്ടെത്തിയെന്നും. അതാകട്ടെ 160 കിലോയായി ചുരുങ്ങുകയും ചെയ്തു. ഈ ടണ് ടണാ ടണ് വര്ത്തമാനം സര്ക്കാര് അല്പ്പംകുറയ്ക്കേണ്ട സമയമായിരിക്കുന്നു.'
ഉത്തര് പ്രദേശിലെ സോന്ഭദ്ര ജില്ലയില് മൂവായിരം ടണ് സ്വര്ണനിക്ഷേപം കണ്ടെത്തിയെന്ന യു.പി. ജിയോളജി വകുപ്പ് ഉദ്യോഗസ്ഥന്റെ അവകാശവാദം ഇന്നലെ വന് വിവാദമായിരുന്നു ഉണ്ടാക്കിയത്. ഒടുവില് അത് വെറും അവകാശവാദം മാത്രമാണെന്നും അത്രയും വലിയ അളവില് സോന്ഭദ്രയില് സ്വര്ണനിക്ഷേപമില്ലെന്നും ജിയോളജിക്കല് സര്വേ ഓഫ് ഇന്ത്യ എം.ഡി ശനിയാഴ്ച പറഞ്ഞിരുന്നു. ഇതിന് പിന്നാലെയായിരുന്നു ശശി തരൂരിന്റെ ട്വീറ്റ് വന്നിരിക്കുന്നത്.
https://www.facebook.com/Malayalivartha
