സുപ്രീംകോടതിയിലെ ആറ് ജഡ്ജിമാര്ക്ക് എച്ച് 1 എന് 1; ജഡ്ജിമാര്ക്കും അഭിഭാഷകര്ക്കും ആവശ്യത്തിനുള്ള പ്രതിരോധ മരുന്ന് ലഭിക്കുവാൻ തീരുമാനം
സുപ്രീംകോടതിയിലെ ആറ് ജഡ്ജിമാര്ക്ക് എച്ച് 1 എന് 1. മോഹന ശാന്തന ഗൗഡര്, എ.എസ്. ബൊപ്പണ്ണ, ആര്. ഭാനുമതി, അബ്ദുള് നസീര്, സഞ്ജീവ് ഖന്ന, ഇന്ദിര ബാനര്ജി എന്നിവര്ക്കാണ് എച്ച് 1 എന് 1 പനി ബാധിച്ചിരിക്കുന്നത്. ജഡ്ജിമാരില് എച്ച് 1 എന് 1 സ്ഥിരീകരിച്ചതിനെ തുടര്ന്ന് ചീഫ് ജസ്റ്റിസ് എസ്. എ. ബോബ്ഡെ ജഡ്ജിമാരുമായി കൂടിക്കാഴ്ച നടത്തുകയും ചെയ്തു. സുപ്രീംകോടതിയിലെ ജഡ്ജിമാര്ക്കും അഭിഭാഷകര്ക്കും ആവശ്യത്തിനുള്ള പ്രതിരോധ മരുന്ന് ലഭിക്കുവാൻ യോഗത്തില് തീരുമാനിച്ചതായി ജസ്റ്റിസ് ഡി.വൈ. ചന്ദ്രചൂഡ് പറയുകയും ചെയ്തു .
സുപ്രീംകോടതിയിലെ കോടതിമുറികളില് ജഡ്ജിമാര് എത്തിച്ചേരാന് വൈകുന്നതായി റിപ്പോര്ട്ടുകൾ വന്നിരുന്നു. ചീഫ് ജസ്റ്റിസിന്റെ അധ്യക്ഷതയിലുള്ള ബെഞ്ച് ചേരാനും താമസമുണ്ടാകുകയും ചെയ്തു. എന്നാല് ജഡ്ജിമാര് കോടതിമുറിയില് എത്തിച്ചേരാന് താമസിക്കുന്നതിന്റെ കാരണം കോര്ട്ട് മാസ്റ്റര് അടക്കമുള്ളവര് വ്യക്തമാക്കിയതുമില്ല. ഇതിനു പിന്നാലെ ജഡ്ജിമാര് എച്ച് 1 എന് 1 ബാധിച്ചെന്നും ഇതുസംബന്ധിച്ച കാര്യങ്ങള് ചര്ച്ച ചെയ്യാന് ചീഫ് ജസ്റ്റിസ് യോഗം വിളിച്ചെന്നുമുള്ള വിവരങ്ങള് പുറത്തുവന്നിരിക്കുകയാണ്.
https://www.facebook.com/Malayalivartha