ആം ആദ്മി പാര്ട്ടി നേതാവിനെ ദുരൂഹ സാഹചര്യത്തില് മരിച്ച നിലയില് കണ്ടെത്തി; വിവരാവകാശ നിയമപ്രകാരം അഴിമതിക്കെതിരെ പ്രതിക്കരിച്ചിരുന്ന വ്യക്തിയെന്ന് സഹപ്രവർത്തകർ
ആം ആദ്മി പാര്ട്ടി നേതാവിനെ ദുരൂഹസാഹചര്യത്തില് മരിച്ച നിലയില് കണ്ടെത്തി. ഉത്തര് പ്രദേശിന്റെ ചുമതലയുണ്ടായിരുന്ന മുരാരി ലാല് ജെയിനെയായിരുന്നു കൊല്ലപ്പെട്ട നിലയിൽ കണ്ടെത്തിയത്. തിങ്കളാഴ്ച ലളിത്പൂരിന് സമീപം ഒരു പാലത്തിനു താഴെ മരിച്ച നിലയില് കണ്ടെത്തുകയായിരുന്നു. മുരാരി ലാലിന്റെ ബാഗും മൃതദേഹത്തിനു സമീപം ഉണ്ടായിരുന്നു.
അപകടത്തെ തുടര്ന്നാണ് മുരാരി ലാല് മരിച്ചതെന്നും എന്നാല് എങ്ങനെയാണ് അപകടം നടന്നതെന്ന് ഇപ്പോള് പറയാന് സാധിക്കില്ലെന്നും ഉത്തര് പ്രദേശ് പോലീസ് പറയുകയുണ്ടായി. ഒരു യോഗത്തില് പങ്കെടുക്കാനായി മുരാരി ലാല് ലഖ്നൗവിലെത്തിയിരുന്നു. തുടര്ന്ന് ഞായറാഴ്ച രാത്രി പുഷ്പക് എക്സ്പ്രസ് ട്രെയിനില് ലളിത്പൂരിലേക്ക് യാത്ര തിരിക്കുകയും ചെയ്തു. മൃതദേഹം പോസ്റ്റ് മോര്ട്ടത്തിനായി അയച്ചു. മുരാരി ലാല് ഒറ്റയ്ക്കാണ് യാത്ര ചെയ്തിരുന്നത് . വിവരാവകാശ നിയമപ്രകാരം അഴിമതിക്കെതിരെ പ്രതിക്കരിച്ചിരുന്ന വ്യക്തിയായിരുന്നു അദ്ദേഹമെന്ന് ആം ആദ്മി പാര്ട്ടി വക്താവ് വൈഭവ് മഹേശ്വരി പറഞ്ഞു.
https://www.facebook.com/Malayalivartha